Us der alemannische Wikipedia, der freie Dialakt-Enzyklopedy
Dr Alexander Gregg anna 1905
Dr
Alexander Gregg
(*
8. Oktoower
1819
z’ Society Hill, Suudkarolina; †
11. Juuli
1893
z’
Austin
,
Texas
) isch a Gaischtliger vu dr
Epischkopaalkirich vu da Verainigta Schtaata
gsii. Vu 1859 bis zua siim Tood isch’r dr aarschta Bischoof vum Texas gsii.
Dr Alexander Gregg isch anna 1819 im Nammensort ?The Old Cheraws“ z’ Society Hill im Bundesschtaat Suudkarolina uff d’ Walt kumma. Ar isch dr Suhn gsii vum David Gregg un vu dr Athalinda Brocky. Ar hat a akademischa-n-Uussbildung z’ Winnsboro bikumma un isch drnooh in d’ Suudkarolina-Hoochschual ganga, wu-n-’r im Dezamber 1838 a BA-Abschluss bschtanda hat. Ar isch am 6. Dezamber 1841 z’ Cheraw als Rachtsanwalt zuagloo worra un hat dart zwai Joohra lang als Anwalt gschafft. Anna 1943 isch’r in dr Epischkopaalkirich vum hl. David z’ Cheraw taift un konfirmiart worra.
Drnooh hat dr Gregg d’ Waihsakramant walla-n-ampfanga. Am 10. Juuni 1846 isch’r als Diakon gwaijt worra. D’ Priaschterwaih hat ihm dr Bischoof vu Suudkarolina Christopher Edwards Gasdsen am 19. Dezamber 1847 in dr Philippuskirich z’ Charleston gschpanda. Drnooh isch dr Gregg Pfarrer vu dr Davidskirich z’ Cheraw worra. An dara Schtalla-n-isch’r bliewa, bis’r Bischoof worra-n-isch.
Am 5. Mai 1859 isch dr Gregg als aarschter Bischoof vum Texas gwahlt worra. D’ Bischoofswaih hat’r am 13. Oktoower 1859 vum Presidiarenda Bischoof John Henry Hopkins ampfanga. Schuu-n-in dara Zitt isch dr Bischtumm uff’m ganza Gebiat vum Bundesschtaat Texas gsii. In siina aarschta Joohra-n-als Bischoof sinn dr
Sezessionskriag
un dr Wiederuffbaui vum Texas gsii. Im Lauif vu dr Zitt sinn immer mehr Siidler ins Texas kumma. Wahrend siinera Zitt als Bischoof hat maa-n-im Bischtumm mehr ass 50 Kircha bauia ?am Aafang sinn numma fimf Gotteshiiser gsii. Anna 1874 hat dr Gregg d’ Grindung vu zwai Missioonsdischtrikta (Wascht-Texas un Nord-Texas) glaita. Naawadraa isch’r vum 1. Auigscht 1887 bis zua siim Tood dr viarta Kanzler vu dr epischkopaala Uniwarsitaat vum Suuda z’ Sewanee im Tennessee gsii. Anna 1867 hat’r a Buach iwwer d’ Gschicht vu siim Geburtsort veraffentligt.
Dr Gregg isch am 10. Juuli 1893 d’haim z’ Austin im Texas gschtoorwa. Beardigt worra-n-isch’r im Friedhoof vu dr Davidskirich z’ Cheraw. Dr Alexander Gregg hat am 21. Awril 1841 d’ Charlotte Wilson Kolloc († 1880) ghiiroota ghaa. Mit ihra hat’r zehn Kinder ghaa.
- Gregg, Alexander, P.E.
In: James Grant Wilson, John Fiske (Hrsg.):
Appletons' Cyclopædia of American Biography
.
Band
2
. D. Appleton, 1888,
S.
758
(amerikanisches Englisch,
google.co.uk
[abgerufen am 31. Juli 2022]).
- Gregg, Alexander
. In:
An Episcopal Dictionary of the Church
. Epischkopaalkirich vu da Verainigta Schtaata (amerikanisches Englisch,
episcopalchurch.org
[abgerufen am 31. Juli 2022]).
- W. J. Battle:
Gregg, Alexander
. In:
The Handbook of Texas
. Texas State Historical Association, 1952 (amerikanisches Englisch,
tshaonline.org
[abgerufen am 31. Juli 2022]).
- Wilson Gregg:
Alexander Gregg, First Bishop of Texas
. Hrsg.: Arthur Howard Noll, LL.D. The University Press, The University of the South, Sewanee (Tennessee) 1912 (amerikanisches Englisch,
anglicanhistory.org
[abgerufen am 31. Juli 2022]).
