Dr
Victor Ernst Nessler
? manchmol liist mr au
Neßler
? (*
28. Januar
1841
en
Baldaheim
em
Elsass
, †
28. Mai
1890
en
Stroßburg
) isch a elsassischer Kombonischt gwaa.
Dr Victor Ernst Nessler ischt am 28. Januar 1841 en Baldaheim em Elsass uf d Welt komma. S Elsass hot domols noh zom
Deitscha Reich
ghairt. Drom lauft dr Nessler en dr Fachlitradur als deitschr Kombonischt. Noch em Abi hot’r uf Wonsch vo seim Vaddr, wo an evangelischr Pfarrer gwaa ischt, en Straßburg ogfanga Theologii zo studiira. Neabaher hot’r abr noh beim Musiklehrer Stern Ondrricht em Komboniira gnomma ond Kirchamusik gschaffa. Noch viir Johr hot’r vo dr Theologii gnuag ghet, ond’r hot sich ganz dr Musik vorschriiba. Em Johr 1864 ischt en Stroßburg sei erschda Opr
Fleurette
urufgfiirt worra ond hot’s zo-ma Achdongserfolg brocht. Noh em gleicha Johr hot dr Nessler sei musikalischs Studiom en Leipzig fortgsetzt. Wia-nr do drmit fertich gwaa ischt, hot’r am Stadttheatr vo Leipzig a Stell als Chordirektr griagt ond ischt bald ufgstiiga zom Kabellmeischtr. Fascht alle Opra, wo-nr noch seira
Fleurette
komboniirt hot, send an deam Theatr s erschde Mol uf d Biine komma. Sei
Rattenfanger von Hameln
ischt beim Publikom saumaßig guad okomma ond bald au vo andre Theatr gschbiilt worra.
Em Nessler sei graischtr Erfolg isch abr sei Opr
Der Trompeter von Sackingen
gwaa, wo em Mai 1884 en Leipzig s erschde Mol ufgfiirt worra ischt. Dui hot so arg eigschlaga, dass se sogar da Weag ibr da graußa Deich gfonda hot ond vo dr Nui Yorker Met gschbiilt worra ischt. D Gschiicht vo dera Opr fuaßt uf em gleichnamiga Versroman vom badischa Dichtr Viktor von Scheffel. S Libreddo hot em Nessler sei Freind Rudolf Bunge gschriiba. Der hot abr viile Originalzitat vom Scheffel vorwendet, so zom Beischbiil des beriimde Liad
Das ist im Leben hasslich eingerichtet ...
mit-em Refrai
Behut dich Gott, es war so schon gewesen, behut dich Gott, es hat nicht sollen sein!
Noch seim
Drombetr
isch em Nessler nix mai glonga. Drom isch’r wiidr en sei Hoimet zruck, wo-nr de letschde Johr en Stroßburg vorbroocht hot. Deet isch’r em Altr vo 49 Johr gschdorba.
Em Nessler sei Sterge isch gwaa, an guada Blick zo han, was sich wirksam uf d Biine brenga loot ond was de Leit gfellt. Do drbei hot’r abr au an fatala Hang zor Sendimendalideet, zom Schbiaßbirgrtum ond zo-ra Volkstimlichkeit gheet, wo mr et grad als Volkstimlichkeit em beschda Senn hoißa ka. Drom wuud heitzodag au kaum no ebbes vo-nem ufgfiirt. Ibrleabt hot’r eigentlich bloß uf de Schallbladda.
- Fleurette (1864)
- Dornroschens Brautfahrt (1867)
- Nachtwachter und Student (1868)
- Am Alexandertag (1869)
- Der Rattenfanger von Hameln (1876)
- Der wilde Jager (1879)
- Der Trompeter von Sackingen
(1884)
- Otto der Schutz (1886)
- Die Rose von Straßburg (1890)
- Der Blumen Rache
fir Chor, Soli und Orkeschtr
- Des Sangers Fruhlingsgruß
fir an Mennrchor
- Von der Wiege bis zum Grabe
, a ganza Folge vo Liadr fir en Mennerchor
Vom
Drombetr vo Sackenga
geit’s a Gesamtufnahm bei
Capriccio
uf zwoi CDs mit em Hermann Prey, em Franz Hawlata, em Christoph Spath, em Alfred Kuhn, dr Katharina Kammerloher, em Chor ond Orkeschtr vom Rundfunk en Keln ondr dr Leidong vom Helmuth Froschauer.
- Illustriertes Musiklexikon
, rausgeaba vom
Hermann Abert
, Verlag J. Engelhorns Nachf. Stuttgart, 1927
- Friedrich Herzfeld:
Das Lexikon der Musik
, Verlag Ullstein GmbH, Frankfurt am Main ? Berlin ? Wien, 1976
|
Des isch e Artikel oder e Absatz uber e regionali Bsunderheit. Er dat no besser wirke, wann er in dr Dialaktspiilart vu salere Region gschriibe war. Ich, dr erscht oder dr Hauptautor vu dam Artikel oder dam Absatz, dat mi freie, wann eber esach in s lokal Alemannisch ibersetze dat. Schryb bitte i dr Zammefassig dass du de Artikel i de lokale Dialakt umanderesch.
Lueg dezue au
Froge un Antworte zum Dialakt
.
|