Die
Verenigde State van Amerika
het 'n aantal vakansiedae wat plaaslik gevier word, maar streng gesproke is daar geen amptelike openbare vakansiedae waarop werknemers geregtig is ten volle betaling. Die federale regering kan slegs nasionale
openbare vakansiedae
met betrekking tot sy eie werknemers erken, terwyl die vyftig deelstate die diskresie het om hul amptelike vakansiedae self vas te le.
Die meeste Amerikaanse vakansiedae het geen religieuse betekenis nie, maar word ter ere van geskiedkundige persoonlikhede of ter herinnering aan belangrike nasionale gebeurtenisse gevier. Net twee vakansiedae, Kersfees en Nuwejaarsdag, word ooreenkomstig met die tradisies in ander lande gevier.
Tans is daar elf "federale vakansiedae", waarvan tien jaarliks en een vierjaarliks gevier word. Die jaarlikse openbare vakansiedae word grotendeels ook deur die regerings van deelstate en plaaslike owerhede erken, maar hulle is nogtans daartoe geregtig om die datums volgens die plaaslike tradisies te wysig, bykomende plaaslike vakansiedae te vier of selfs vakansiedae te skrap.
Volgens die
Uniform Holiday Bill
("Wet aangaande die eenvormigheid van vakansiedae") uit die jaar
1968
, wat in
1971
in werking getree het, word die viering van die meeste amptelike vakansiedae verskuif na die Maandag wat naaste aan die eintlike datum le, met uitsondering van Nuwejaarsdag,
Onafhanklikheidsdag
, Veteranedag (
Veterans Day
), Oesdankfees (
Thanksgiving
, op die vierde Donderdag in November) en
Kersfees
. Daar is ook besondere vakansiedae in 'n aantal deelstate wat uitsluitlik plaaslik gevier word.
Die meeste Amerikaanse winkels is net gesluit vir Oesdankfees en Kersfees. Privaat maatskappye en besighede vier dikwels slegs die "groot ses" vakansiedae (Nuwejaarsdag, Memorial Day, Onafhanklikheidsdag, Werkersdag (
Labor Day
), Oesdankfees en Kersfees. Sommige ondernemings voeg ook die Vrydag na Oesdankfees en een of meer van die ander federale vakansiedae by.
Die winterlike vakansieseisoen duur van Oesdankfees tot en met Nuwejaarsdag en behels die Wintersonstilstand (wat byvoorbeeld deur die Amerikaanse Ateiste gevier word), Kersfees, die Joodse Hanukkah en Kwanzaa.
Die somerseisoen duur tradisioneel van
Memorial Day
tot en met Werkersdag (alhoewel hierdie seisoen geen amptelike erkenning geniet nie).
Datum
|
Naam
|
Opmerking
|
1 Januarie
|
Nuwejaarsdag
|
Begin van die jaar, en einde van die "vakansieseisoen"
|
Januarie
, derde Maandag
|
Martin Luther King, Jr.
-dag
|
Eer menseregte-aktivis Martin Luther King Jr.
|
Februarie
, derde Maandag
|
Washington's Birthday
|
Eer vorige V.S. Presidente, veral
Washington
en
Lincoln
|
Mei
, laaste Maandag
|
Memorial Day
|
Eer mans en vroue wat gesneuwel het in diens van die land; begin van die somer
|
4 Julie
|
Onafhanklikheidsdag
(
Independence Day
)
|
vier
Verklaring van Onafhanklikheid
, gewoonlik genoem "The Fourth of July"
|
September
, eerste Maandag
|
Werkersdag
(Labor Day)
|
Vier mylpale van werkers; einde van die somer
|
Oktober
, tweede Maandag
|
Columbus-dag
|
Eer
Christophorus Columbus
, tradisionele ontdekker van die Amerikas
|
11 November
|
Veteranedag
|
Oomblik van stilte teen 11 v.m.
|
November
, vierde Donderdag
|
Oesdankfees (
Thanksgiving
)
|
Dank vir die herfsoes, begin van die "vakansieseisoen"
|
25 Desember
|
Kersfees
|
Gedenk die geboorte van
Jesus Christus
, ook sekulere wintervakansiedag
|