Touwsrivier
is 'n
dorp
in die
Wes-Kaap
,
Suid-Afrika
. Die
N1 nasionale pad
gaan verby die dorp.
Die NG kerk op Touwsrivier.
Reeds in die eerste helfte van die 18de eeu het boere hulle hier gevestig. Die plaas waarop die dorp ontwikkel is, is reeds in 1748 toegeken. Die naam
Touw
is moontlik 'n vervorming van die
Khoikhoi
woord
dau
('weg' of 'pas').
Nadat die spoorlyn na die noorde
Matjiesfontein
in die 1870's bereik het, is 'n
steenkool
- en diensdepot aan die noordekant van die
Hexrivierberge
as 'n noodsaaklikheid beskou. Die keuse het op Touwsrivier geval waar 'n stasie met die naam Montaguweg op 7 November 1877 geopen is. Die naam is op 1 Januarie 1883 na Touwsrivier verander.
Die aanleg is juis hier so groot gemaak omdat daar 'n steil opdraande na
Worcester
voorgele het en sommige treine se massa en lengte minder gemaak moes word om die stywe
Hexrivierpas
te kon uitkom. Die hotel Frere is deur die spoorwegowerhede gebou om voorsiening te maak vir passasiers wat 'n dag of twee op Touwsrivier moes deurbring. Vir die volgende 60 jaar was die dorp niks meer as 'n groot spoorwegsentrum nie. Dit het daartoe gelei dat die destydse
Suid-Afrikaanse Spoorwee
die dorp se administrasie oorgeneem het. Dit het tot 1959 geduur totdat die eerste bestuursraad vir die dorp ingestel is.
Nadat die spoorlyn geelektrifiseer is, het die belangrikheid van die dorp begin afneem. Omrede die gebruik van
stoomlokomotiewe
afgeneem het, is die uit diens onttrekte stoomlokomotiewe in Touwsrivier gehuisves en was dit 'n nasionale gedenkwaardigheid vir baie jare totdat die Spoorwee besluit het om hierdie lokomotiewe as skrootmateriaal te verkoop. Die
Verkeerdevleidam
is ontwikkel om die stoomtreine van water te voorsien.
Die munisipale raad het 'n wapen in 1962 by die Kaapse Provinsiale Administrasie geregistreer:
Verhoogde, omgekeerde kepersgewys deursnede, silwer en groen, in die skildhoof 'n aansiende stoomlokomotief van natuurlike kleur, in die skildvoet 'n silwer golwende dwarsbalk belaai met 'n ander van blou, in die skildhoof vergesel van twee goue koringgerwe en in die skildvoet van 'n silwer aansiende ramskop
. Die helmteken was 'n rooi blom, en die wapenspreuk "Floreat flumen Touense".
[2]
Die wapen is in 1994 gewysig deur (a) die lokomotief met "twee oop en een toe rooidirkieblomkelke (
Ornithogalum maculatum
) van natuurlike kleur aan 'n groen stingel" te vervang en (b) die lokomotief na die helmteken te skuif, en toe by die
Buro vir Heraldiek
geregistreer.
[3]
Die belangrikste produkte van die distrik is
merinowol
,
koring
,
lusern
en gars wat onder besproeiing verbou word.
