in Wikipedia, die vrye ensiklopedie
San Diego
(
Engels
: [?sændiː?e?go?]) is 'n hawestad in die suide van die
deelstaat
Kalifornie
(
Verenigde State
), 119 myl suid van
Los Angeles
digby die grens met
Meksiko
gelee, met sowat 1,3 miljoen inwoners (2010). Dit is die administratiewe hoofstad van San Diego County. San Diego is die tweede grootste stad in Kalifornie na Los Angeles en die sewende grootste in die Verenigde State.
San Diego staan bekend vir sy gematigde klimaat en talle strande. Die stad se ontspanne leefstyl en strandkultuur, met duisende sonbaaiers en sportgeesdriftiges wat hul gebruinde en goed-geoefende liggame langs die
Stille Oseaan
-sandstrande vertoon, het aan San Diego die bynaam
Sandy Ego
besorg.
Sedert die tyd van die Tweede Wereldoorlog huisves San Diego 'n groot aantal instellings van die
Amerikaanse Vloot
soos militere hawens, en basisse van die
Amerikaanse Marinierskorps
en die
Amerikaanse Kuswag
. Die stad is die tuishawe van die grootste militere vloot ter wereld, met onder meer slagskepe en
vliegdekskepe
soos die
USS Nimitz
en die
USS Ronald Reagan
. 'n Aantal vlootskepe is ter ere van die stad
USS San Diego
genoem.
Die snelste groeiende moderne bedryf is biotegnologie.
Qualcomm
, 'n wereldleier op die gebied van
selfoontegnologie
, het sy hoofkwartier in San Diego.
San Diego le teen 'n kunsmatige hawe aan die mees suidelike punt van Kalifornie, sowat twee en 'n halfuur se motorrit van Los Angeles in die noorde en 'n halfuur se motorrit van die
Meksikaanse
stad
Tijuana
in die suide af. Die stad word in die weste deur die
Stille Oseaan
begrens, terwyl 'n bergreeks en die Anza-Borrego-woestynpark 'n natuurlike grens in die ooste vorm. Die stadsgebied brei steeds verder uit na die binneland en in die rigting van die Meksikaanse grens.
San Diego se subtropiese klimaat word dikwels "perfek" genoem. Die gemiddelde jaarlikse
temperatuur
is 21°C, die gemiddelde reenval per maand is slegs 24 mm. Die
winters
is baie matig met 'n gemiddelde temperatuur van 14°C.
Naas die
Amerikaanse Leer
en
Vloot
is die telekommunkasie- en biotegnologiese bedrywe die belangrikste werkverskaffers.