in Wikipedia, die vrye ensiklopedie
Persoon wat 'n klein mondfluitjie speel.
'n
Mondfluitjie
is 'n
musiekinstrument
wat bespeel word deur met die mond daarin te blaas en suig. Dit staan ook as 'n
mondharmonika
of 'n
bekfluitjie
bekend. Mondfluitjies word oor die algemeen in drie klasse geklasifiseer: diatonies, tremolo en kromaties, ten spyte van die feit dat daar nog ‘n horde ander tipes ook is. Hierdie drie is die mees bekende, word die meeste gespeel en die meeste verkoop.
Behalwe as jy 'n uitstekende musikant is, sal jou keuse normaalweg op 'n diatoniese 10-gaatjie blues mondfluitjie uitloop, vir die eenvoudige rede dat hierdie mondfluitjie vir enige styl gebruik kan word, insluitend country, blues, rock, gospel, folk en selfs klassieke musiek. Meeste professionele spelers is diatoniese spelers.