한국   대만   중국   일본 
Hongkongse nasionale krieketspan - Wikipedia Gaan na inhoud

Hongkongse nasionale krieketspan

in Wikipedia, die vrye ensiklopedie
Hongkong
Kenteken van die Hongkongse nasionale krieketspan
Konferensie Krieket Hongkong (CHK)
Personeel
Kaptein Nizakat Khan
Afrigter Vlag van Engeland Simon Willis [1] [2] [3]
Spaninligting
Stad Hongkong
Tuisveld(e) Mission Road Ground
Internasionale Krieketraad
IKR-status Assosiaatlid (1969)
IKR-streek AKR (Asie)
IKR-ranglys Tans [4] Beste rang tot dusver
T20I 21ste 11de (op 31 Augustus 2015)
Internasionale eendagwedstryde
Eerste EDI t Vlag van Bangladesj Bangladesj op Singalese Sportklub-krieketveld , Colombo ; 16 Julie 2004
Laaste EDI t Vlag van Indië Indie op Doebai Internasionale Krieketstadion , Doebai ; 18 September 2018
EDIs Gespeel Gewen/Verloor
Algeheel [5] 26 9/16 (34,61%)
(0 gelykop, 1 onbeslis)
Vanjaar [6] 0 0/0
(0 gelykop, 0 onbeslis)
Krieketwereldbeker -verskynings 0/13
Wereldbeker-
kwalifiserings 		8 ( eerste in 1982 )
Beste uitslag 3de plek (in 2014)
Kampioenetrofee -verskynings 0/8
Twintig20s
Eerste T20I t Vlag van Nepal Nepal op Zohur Ahmed Chowdhury-stadion , Chittagong ; 16 Maart 2014
Laaste T20I t Vlag van Verenigde Arabiese Emirate Verenigde Arabiese Emirate op Mulpani-krieketveld , Kageshwari-Manohara ; 2 November 2023
T20Is Gespeel Gewen/Verloor
Algeheel [7] 72 29/43 (40,27%)
(0 gelykop, 0 onbeslis)
Vanjaar [8] 18 8/10
(0 gelykop, 0 onbeslis)
T20I-wereldbeker -verskynings 2/9 ( eerste in 2014 )
Beste uitslag Eerste rondte (in 2014 en 2016 )
T20I-wereldbeker-
kwalifiserings 		6 ( eerste in 2012 )
Beste uitslag 4de plek (in 2015)
EDI-klere
T20I-klere
Hongkongse nasionale krieketspan
Name (taalvariante)
Tradisionele Chinees    香港板球男子代表隊
Vereenvoudigde Chinees    香港板球男子代表?
Pinyin Xi?ngg?ng B?nqiu Nanz? Daibi?odui
Jyutping Hoeng1gong2 Baan2kau4 Naam4zi2 Doi6biu2doi6*2

Die Hongkongse nasionale krieketspan ( Chinees : Tradisionele karakters : 香港板球男子代表隊, Vereenvoudigde karakters : 香港板球男子代表?, Pinyin : Xi?ngg?ng B?nqiu Nanz? Daibi?odui , Jyutping : Hoeng1gong2 Baan2kau4 Naam4zi2 Doi6biu2doi6*2 ) is die nasionale krieketspan wat die spesiale administratiewe streek van die Volksrepubliek China Hongkong in internasionale krieket verteenwoordig. Hulle word bestuur deur Krieket Hongkong ( CHK , van Engels: Cricket Hong Kong ; Chinees: 香港板球) wat in 1969 ’n geassosieerde lid van die Internasionale Krieketraad (IKR) geword het. [9] Hongkong het sy eerste krieketwedstryd in Maart 1866 gespeel. [10]

Hongkong het sy eerste EDIs tydens die Asiatiese Beker 2004 gespeel, [10] [11] en in Januarie 2014 is, nadat hulle tydens die Krieketwereldbekerkwalifisering 2014 derde geeindig het, aan hulle EDI-status tot in 2018 toegeken. [12] Die span het in November 2013 T20I -status verkry, nadat hulle vir die T20I-wereldbeker 2014 gekwalifiseer het. [13] Hongkong het sy EDI-status in Maart 2018 verloor, nadat hulle in die uitspeelwedstryd tydens die Krieketwereldbekerkwalifisering 2018 teen Nederland verloor het. [14] In September 2018 het Hongkong egter twee bykomende EDI-wedstryde tydens die Asiatiese Beker gespeel, nadat hulle die T20I-wereldbekerkwalifikasie kon wen, en die IKR aangekondig het dat al die wedstryde tydens die hooftoernooi as EDI-wedstryde erken sal word. [15]

Hongkong het tot dusver aan elke krieketwereldbekerkwalifiseringstoernooi, behalwe vir die in 1979 en 2005, deelgeneem. [16] Hulle het ook aan twee Interkontinentale Bekertoernooie deelgeneem, in 2005 [17] en in 2015/17, asook aan twee T20I-wereldbekertoernooie , in 2014 en 2016 .

In April 2018 het die IKR besluit om aan al sy lede volle T20I-status toe te ken. Vervolgens sal al die T20I-wedstryde wat Hongkong na 1 Januarie 2019 teen ander IKR-lede speel, as ’n volle T20I erken word. [18] Hongkong is tans (Oktober 2023) 21ste op die Twintig20-wereldranglys. [19]

Beheerliggaam [ wysig | wysig bron ]

Die hoofartikel vir hierdie afdeling is: Krieket Hongkong .
Die Hongkong Krieketklub in 2017

Krieket Hongkong (Engels: Cricket Hong Kong , CHK; Chinees: 香港板球, Pinyin: Xi?ngg?ng B?nqiu , Jyutping : Hoeng1gong2 Baan2kau4 ) is in 1968 as Hongkongse Krieketvereniging ( Hong Kong Cricket Association , HKCA) gestig en verantwoordelik vir die reeling van krieket in die spesiale administratiewe streek Hongkong. In 1969 het hulle as ’n geassosieerde lid by die Internasionale Krieketraad (IKR) aangesluit. [20] Daarbenewens het die CHK in 1983 ’n lid van die Asiatiese krieketkonferensie ( Asian Cricket Conference , ACC; nou Asiatiese Krieketraad ) geword. [21]

Krieket Hongkong bestuur al die Hongkong-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van T20I-reekse teen ander spanne, en die reeling van internasionale wedstryde tuis. Daarbenewens is CHK verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Hongkongse span.

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Net soos ander krieketnasies beskik Hongkong oor ’n o/19-nasionale span wat aan die o/19-krieketwereldbeker deelneem. [22]

Geskiedenis [ wysig | wysig bron ]

Eerste strukture [ wysig | wysig bron ]

Die spanne van Hongkong en Sjanghai in Oktober 1892
Die Hongkongse krieketspan in 1908
Krieketwedstryd tussen Hongkong en Sjanghai in 1908

Britte het krieket na die destydse Britse kolonie Hongkong saamgebring en die eerste bekende krieketwedstryd is in 1841 gespeel. Die Hongkongse Krieketklub is tien jaar later gestig, tot aan die einde van die eeu het verdere krieketklubs gevolg. Die Krieketklub (wat Hongkong verteenwoordig het) het enkele tussenhawenswedstryde teen spanne van die Chinese vasteland gespeel, van wie die eerste teen Sjanghai in 1866 wat hulle met ’n beurt kon wen. In 1890 het hulle vir die eerste keer teen die Straits Settlements gespeel en albei wedstryde gewen, van wie die eerste met ’n beurt. ’n Jaar later het Hongkong in Singapoer vir die eerste keer teen Ceylon (nou Sri Lanka ) gespeel, maar met tien paaltjies verloor. [10] [23]

In 1892 het die SS Bokhara op pad terug van Sjanghai (waar die span met 157 lopies verloor het) in ’n tifoon gesink, wat die lewe van 125 mense geeis het. Net 23 mense het die ramp oorleef, insluitende twee van die 13 Hongkongse spelers. [23] Onder die elf ander spanlede wat in die ongeluk omgekom het, was die Surrey -krieketspeler John Dunn . [24] Na vyf jaar se pouse is die tussenhawewedstryde hervat, waarby hulle die tuiswedstryd teen die Straits Settlements met ’n beurt verloor het, terwyl hulle teen Sjanghai met een paaltjie kon wen. ’n Saamgestelde Hongkong-Sjanghai-span is deur die Straits Settlements ook met ’n beurt verslaan. [23] Gedurende die 1903/04-seisoen is die eerste liga in Hongkong van stapel gestuur.

In 1920 het Hongkong vir die eerste keer teen Malaya gespeel, maar met 35 lopies verloor. Ses jaar later het hulle teen die in Federasie Malaya hernoemde span met ’n beurt verloor. In 1948 is die laaste wedstryd teen Sjanghai gespeel. [10] [23] Jack Chegwyn het in 1952 die eerste internasionale span na Hongkong aangevoer. In 1957 het die eerste wedstryd teen Singapoer onbeslis geeindig. [23] In 1965 het Worcestershire Hongkong vir ’n wedstryd teen die nasionale span besoek. In dieselfde jaar het die eerste wedstryd tussen Maleisie en Hongkong in Kuala Lumpur onbeslis geeindig. In 1966 het die Marylebone-krieketklub (MKK) op pad huis toe van Australie en Nieu-Seeland vir die eerste keer ’n tussenstop in Hongkong gemaak. [10] Die MKK, aangevoer deur Mike Smith , het die wedstryd met 74 lopies gewen. [23] [25] In 1968 is die beheerliggaam gestig as die Hongkongse Krieketvereniging ( Hong Kong Cricket Association , HKCA) en een jaar later het dit ’n geassosieerde lid van die Internasionale Krieketkonferensie (IKK, nou die Internasionale Krieketraad) geword. [23] [10] [9] [26]

Begin van internasionale krieket [ wysig | wysig bron ]

In 1970 het die Hongkongse span teen die MKK onder Tony Lewis onbeslis gespeel, [27] en in 1971 is Hongkong in Ceylon deur die Ceylon Board President’s XI verslaan. Hongkong is nie vir die eerste Krieketwereldbeker 1975 en die eerste IKR-trofee 1979 genooi nie, waarmee hulle ook die Krieketwereldbeker 1979 misgeloop het. In 1980 het hulle Papoea-Nieu-Guinee vir twee wedstryde gehuisves, maar die reeks het gelykop geeindig. Daarna het Hongkong vir die eerste keer deelgeneem aan die IKR-trofee 1982 wat as kwalifisering vir die Krieketwereldbeker 1983 gedien het. [10] Tydens die toernooi kon die span, insluitende die toekomstige Engelse toetsspeler Dermot Reeve , net teen Israel [28] en Gibraltar wen, [29] waarmee hulle die tweede rondte en daarmee die hooftoernooi misgeloop het. [23] [30] In 1983 was Hongkong een van die Asiatiese Krieketraad (AKR) se stigtingslede. [31] Die Suidoos-Asiatiese toernooi 1984 het Hongkong as naaswenner na Bangladesj afgesluit. [23]

Hongkong het aan die volgende drie IKR-trofee deelgeneem, maar in 1986 weer versuim om vanaf die eerste rondte te vorder en daarmee nie vir die Krieketwereldbeker 1987 gekwalifiseer nie. [32] Tydens die IKR-trofee 1990 het hulle die tweede rondte misgeloop en daarmee nie vir die Krieketwereldbeker 1992 gekwalifiseer nie. [33] Tydens die IKR-trofee 1994 het hulle eindelik tot die tweede rondte gevorder, maar nogtans die Krieketwereldbeker 1996 misgeloop. [34] In 1987 het Hongkong die laaste tussenhawenswedstryd teen Singapoer met 149 lopies gewen. In die daaropvolgende jaar het hulle Australie gehuisves, wat sy wedstryd teen ’n keurspan met 179 lopies gewen het. D. Paull het ses paaltjies vir 124 lopies (in 14.1 boulbeurte) in die Australiese beurt geneem. Daarna het Hongkong die tweede Suidoos-Asiatiese toernooi weer as naaswenner na Bangladesj afgesluit. In 1990 het die span tydens die eerste Volvo-beker vir die eerste keer teen Thailand gespeel. Die reeks van twee wedstryde het gelykop geeindig. ’n Jaar later het Hongkong die eerste Tuanku Ja’afar-beker gewen, wat ter ere van die later gekose Maleise koning Yang di-Pertuan Agong jaarliks tussen die vier nasionale spanne van Hongkong, Maleisie, Singapoer en Thailand uitgespeel is. [35] Die Hong Kong Cricket Sixes , wat deur die Hongkongse beheerliggaam bedink en in 1992 vir die eerste keer aangebied is, het die vernaamste internasionale kriekettoernooi in ses-per-kant-krieket geword. Die konsep is ontleen aan die Hongkong Sewes en word deur die wereldbeheerliggaam IKR erken. [36] In dieselfde jaar het Hongkong tydens die Suidoos-Asiatiese toernooi weer as naaswenner na Bangladesj geeindig. Die Volvo-beker, wat nou in die eendag-formaat aangebied is, het Hongkong as naaswenner na Thailand afgesluit. Aansluitend het hulle die Tuanku Ja’afar-beker verdedig. ’n Jaar later het Bangladesj Hongkong besoek en al drie wedstryde teen die nasionale span gewen. Daarna het hulle die Tuanku Ja’afar-beker vir die derde keer agtereenvolgens beklink. In 1995 het Hongkong se teenbesoek in Bangladesj plaasgevind, maar hulle het albei wedstryde teen die nasionale span verloor. [23]

In 1996 het Hongkong aan die eerste AKR-trofee deelgeneem, [10] maar hulle is reeds in die groepfase uitgeskakel, nadat hulle deur beide Bangladesj en Fidji verslaan is. [37] Daarna het hulle tydens die Tuanku Ja’afar-beker met hul vierde agtereenvolgende titeloorwinning weggestap. [23] In 1997 is die kroonkolonie Hongkong deur die Britte aan die Volksrepubliek China oorhandig, wat die nasionale span se internasionale deelname egter nie beinvloed het nie. In dieselfe jaar het die nasionale span tydens die IKR-trofee die agtste plek gehaal, hul beste prestasie in die toernooi tot dusver, maar die nasionale span het nogtans die Krieketwereldbeker 1999 misgeloop. [23] [38] Tydens die AKR-trofee 1998 is hulle in die halfeindstryd deur Maleisie verslaan. [39] Aansluitend het hulle vir die vyfde keer die Tuanku Ja’afar-beker gewen en die titel in 1999 verdedig. [23]

In die nuwe millennium [ wysig | wysig bron ]

Tydens die AKR-trofee 2000 het Hongkong vir die eerste keer die eindstryd gehaal, maar hulle is deur die Verenigde Arabiese Emirate verslaan. [40] Daarmee het die nasionale span vir die Asiatiese Beker 2002 gekwalifiseer [23] (wat later na 2004 verskuif is), waartydens hulle vir die eerste keer EDI-krieket kon speel. [10] In dieselfde jaar het hulle Nieu-Seeland gehuisves. [23] Die IKR-trofee 2001 het vir Hongkong teleurstellend verloop, aangesien hulle na net een oorwinning teen Papoea-Nieu-Guinee reeds in die groepfase uitgeskakel is, waarmee hulle die Krieketwereldbeker 2003 misgeloop het. [41] Ter viering van die Hongkong Krieketklub se 150ste bestaansjaar het die Marylebone-krieketklub en die Melbourne-krieketklub Hongkong besoek vir ’n driehoekse toernooi, wat die Marylebone-krieketklub gewen het. Daarna het Hongkong sy sewende Tuanku Ja’afar-beker gewen. [23] Tydens die AKR-trofee 2002 het die nasionale span die halfeindstryd gehaal, maar hulle is weer deur die Verenigde Arabiese Emirate verslaan. [42] Daarna het hulle die Tuanku Ja’afar-beker verdedig. In 2003 het hulle hul negende en laaste Tuanku Ja’afar-beker ingepalm. [23]

Tydens die Asiatiese Beker 2004 in Sri Lanka het Hongkong teen die toetslande Bangladesj en Pakistan sy eerste EDI-wedstryde gespeel. [23] Die nasionale span het albei wedstryde swak verloor, hoewel hulle Bangladesj in die eerste wedstryd op 221/9 kon beperk. [43] [44] Die tweede wedstryd teen Pakistan, wat deur reen beinvloed is, het hulle met 173 lopies verloor. [45] Tydens die AKR-trofee 2004 is Hongkong weer in die eerste rondte uitgeskakel, nadat hulle deur beide Oman en Bahrein verslaan is, waarvolgens hulle die IKR-trofee 2005 in Ierland en sodoende die Krieketwereldbeker 2007 misgeloop het. [46] In dieselfde jaar het hulle die eindstryd van die ACC Fast Track Countries Tournament 2004/05 gehaal, maar hulle is deur die Verenigde Arabiese Emirate verslaan. [10] Daarna het hulle die laaste Tuanku Ja’afar-beker na Maleisie as naaswenner afgesluit. [23] In 2005 het Hongkong vir die eerste keer aan die Interkontinentale Beker deelgeneem en eersterangse krieket gespeel. Die nasionale span is deur die Verenigde Arabiese Emirate verslaan en het teen Nepal onbeslis gespeel, waarmee hulle die halfeindstryd misgeloop het. [17] In dieselfde jaar het hulle tydens die ACC Fast Track Countries Tournament in die laaste plek geeindig. [47] In 2006 is Hongkong in die AKR-trofee se eindstryd weer deur die Verenigde Arabiese Emirate verslaan [48] en hulle het die ACC Fast Track Countries Tournament in die vierde plek afgesluit. [49] Dieselfde uitslag het hulle tydens die AKR Premierliga 2006 behaal. [23] Die volgende jaar het hulle Darwin besoek vir die Wereldkrieketliga se afdeling drie wat hulle in die vyfde plek afgesluit het, [50] waarmee hulle na die afdeling vier 2008 afgegradeer is en die Krieketwereldbeker 2011 misgeloop het. [51]

In Oktober/November 2007 het Hongkong aan die eerste AKR T20I-beker in Koeweit deelgeneem en in sy groep teen die Verenigde Arabiese Emirate, Singapoer, die gasheer en Saoedi-Arabie gespeel. Hongkong het sy groep in die vierde plek afgesluit en sodoende die halfeindstryd misgeloop. Nadat die Asiatiese Beker van 2006 na 2008 uitgestel is en die Asiatiese Krieketraad besluit het om die toernooi in ’n kwalifisering te omskep, het Hongkong pleks van Oman deelgeneem. [52] In voorbereiding op die Asiatiese Beker 2008 het die nasionale span Pakistan besoek, waar hulle een van hul vyf wedstryde teen die Universiteit van Punjab gewen het. [23] In Junie 2008 het Hongkong aan die Asiatiese Beker in Pakistan deelgeneem. Hulle het na swak nederlae teen die gasheer (met 155 lopies) [53] en Indie (met 256 lopies) [54] die tweede rondte misgeloop. Daarna het hulle die AKR Elitetrofee 2008 met ’n oorwinning in die eindstryd teen die Verenigde Arabiese Emirate gewen. [23] [55] In Oktober 2008 het die span Dar-es-Salaam vir die afdeling vier besoek. Hongkong het vier groepwedstryde teen Fidji, Italie, Jersey en die gasheer gewen, maar hulle is twee keer deur Afghanistan verslaan: In die groepwedstryd en eindstryd. Hongkong is daarmee na afdeling drie opgegradeer. [56] Tydens die tweede AKR T20I-beker 2009 het die nasionale span teen Saoedi-Arabie, die Verenigde Arabiese Emirate, Afghanistan, Singapoer en die Volksrepubliek China gespeel, maar hulle kon net laasgenoemde span verslaan en het sodoende in die voorlaaste plek geeindig. In die daaropvolgende uitspeelwedstryd om die negende plek is hulle deur Katar verslaan. Aan die kwalifiseringstoernooie vir die drie eerste T20I-wereldbekertoernooie (in 2007 , 2009 en 2010 ) het Hongkong nie deelgeneem nie. Tydens die AKR Elitetrofee 2010 het hulle die halfeindstryd gehaal, maar hulle is deur Afghanistan verslaan, waarna hulle die uitspeelwedstryd om die derde plek teen Maleisie gewen het. [57]

Vestiging en eerste suksesse [ wysig | wysig bron ]

In 2011 het Hongkong afdeling drie aangebied en die toernooi gewen, nadat hulle Papoea-Nieu-Guinee in die eindstryd verslaan en sodoende vir afdeling twee in die Verenigde Arabiese Emirate gekwalifiseer het. [58] Kort daarna het hulle met hul tweede plek tydens die AKR T20I-beker 2011, wat as Asiatiese kwalifiseringstoernooi vir die T20I-wereldbekerkwalifisiering 2012 gedien het, die tweede plek gehaal. In die T20I-wereldbekerkwalifisiering het hulle net in die elfte plek geeindig en sodoende die T20I-wereldbeker 2012 misgeloop. [59] Tydens die AKR Elitetrofee 2012 is hulle na twee oorwinnings teen Saoedi-Arabie en Koeweit, asook twee nederlae teen die Verenigde Arabiese Emirate en Nepal reeds in die eerste rondte uitgeskakel. In die uitspeelwedstryd om die vyfde plek het hulle Oman verslaan en sodoende vir die AKR Premierliga 2014 gekwalifiseer. In afdeling twee het Hongkong in die vierde plek geeindig en vir die 2014-krieketwereldbekerkwalifisering in Nieu-Seeland gekwalifiseer. [60]

Tydens die AKR T20I-beker 2013, wat weer as Asiatiese kwalifiseringstoernooi vir die T20I-wereldbekerkwalifisiering 2013 gedien het, het Hongkong die eindstryd gehaal, maar hulle is deur Afghanistan verslaan, genoeg om die volgende kwalifiseringstoernooi te haal. Die T20I-wereldbekerkwalifisiering 2013 in die Verenigde Arabiese Emirate het die span na sy oorwinning teen Papoea-Nieu-Guinee in die sesde plek afgesluit, genoeg om vir die T20I-wereldbeker 2014 in Bangladesj te kwalifiseer. Tydens die krieketwereldbekerkwalifisering 2014 in Nieu-Seeland het Hongkong in die derde plek geeindig. Hoewel hulle die Krieketwereldbeker 2015 misgeloop het, het hulle saam met Papoea-Nieu-Guinee EDI-status ontvang. [61] Tydens die T20I-wereldbeker 2014 is Hongkong in die eerste wedstryd deur Nepal op net 69 lopies uitgeboul, die destyds laagste T20I-wereldbekertelling, waarvolgens hulle die wedstryd met 80 lopies verloor het. [62] Daarna is hulle deur Afghanistan met sewe paaltjies verslaan. [63] In die laaste groepwedstryd het hulle die gasheer met twee paaltjies verslaan, wat egter nie genoeg was om die tweede rondte te haal nie. Troosprys was hierdie eerste historiese T20I-oorwinning teen ’n toetsland. [64] Tydens die AKR Premierliga in Mei dieselfde jaar is Hongkong deur Afghanistan, Oman, die Verenigde Arabiese Emirate en Nepal verslaan en hulle kon net in die laaste wedstryd teen Maleisie ’n oorwinning aanteken. [65]

In November 2014 het Hongkong in Australie ’n reeks van twee EDIs teen Papoea-Nieu-Guinee gespeel, maar albei wedstryde verloor: Die eerste EDI met vier paaltjies en die tweede met drie paaltjies. [66] Tydens die Interkontinentale Beker 2015/2017 het hulle weer eersterangse krieket gespeel, waar hulle die Verenigde Arabiese Emirate en Papoea-Nieu-Guinee verslaan het, terwyl hulle teen Namibie , Ierland en Afghanistan verloor het; die wedstryd teen Skotland moes weens reen afgelas word en die wedstryd teen Nederland het onbeslis geeindig. Tydens die toernooi het Nizakat Khan (met sy eerste honderdtal teen Ierland) [67] en Babar Hayat (met die eerste tweehonderdtal vir Hongkong nog teen Papoea-Nieu-Guinee) [68] uitgeblink. Hongkong het met sy sesde plek tydens die vorige toernooi regstreeks vir die T20I-wereldbekerkwalifisering 2015 in Ierland en Skotland gekwalifiseer, waardeur hulle nie aan die AKR T20I-beker moes deelneem nie. [69] Tydens die T20I-wereldbekerkwalifisering het Hongkong die uitspeelwedstryd om die derde plek gehaal, wat egter weens reen afgelas moes word en aan Ierland toegeken is, genoeg om vir die T20I-wereldbeker 2016 in Indie te kwalifiseer. [70] In Februarie 2016 het Hongkong tydens die Asiatiese Bekerkwalifisering al sy drie wedstryde teen Oman, die Verenigde Arabiese Emirate en Afghanistan verloor, waarmee hulle die Asiatiese Beker 2016 misgeloop het. [71] Troosprys was in die wedstryd teen Oman Babar Hayat se eerste honderdtal vir Hongkong. [72]

In dieselfde jaar het Hongkong tydens die T20I-wereldbeker al hul drie wedstryde teen Zimbabwe (met 14 lopies), [73] Afghanistan (met ses paaltjies) [74] en Skotland (met agt paaltjies) verloor, waarvolgens hulle weereens in die eerste rondte uitgeskakel is. [75] In die eersgenoemde wedstryd het Ryan Campbell op 44 jaar en 30 dae die oudste T20I-speler geword wat debuteer het; 14 jaar voorheen het hy vir Australie EDI-krieket gespeel. [76] Op 8 Maart 2018 het Hongkong sy eerste EDI-oorwinning teen ’n volle lid aangeteken, toe hulle tydens die Krieketwereldbekerkwalifisering 2018 Afghanistan verslaan het. [77] Nadat hulle in die uitspeelwedstryd egter deur Nederland verslaan is, het hulle hul EDI-status verloor en die Krieketwereldbeker 2019 misgeloop. [14] In Augustus en September dieselfde jaar is Hongkong tydens die Asiatiese Bekerkwalifisering 2018 deur Maleisie verslaan, maar daarna het hulle teen Singapoer, die Verenigde Arabiese Emirate en Nepal gewen, terwyl die wedstryd teen Oman weens reen afgelas moes word. Daarna het Hongkong die eindstryd teen die Verenigde Arabiese Emirate gewen en sodoende vir die Asiatiese Beker 2018 gekwalifiseer. [78] Nadat die IKR EDI-status aan die toernooi toegeken het, kon Hongkong twee bykomende EDIs speel. [15] Hulle het die wedstryde egter teen Pakistan (met agt paaltjies) [79] en Indie (met 26 lopies) verloor. [80] Troosprys was in die laasgenoemde wedstryd die hoogste EDI-vennootskap deur ’n geassosieerde lid ? 174 lopies tussen Nizakat Khan en Anshuman Rath [81] ? en die langste tydperk voordat die eerste paaltjie gekantel het ? na 34.1 boulbeurte. [82]

Van 2019 af het die span aan die Uitdagingliga 2019?2022 deelgeneem, wat as kwalifisering vir die Krieketwereldbekerkwalifisering en indirek vir die Krieketwereldbeker 2023 gedien het. Tydens die T20I-wereldbeker 2019 vir die T20I-wereldbeker 2021 het Hongkong die agste plek gehaal en die hooftoernooi misgeloop. [83] In November 2019 sou die eerste rondte tydens die Uitdagingliga B in Hongkong uitgespeel word, [84] vanwee massaproteste is al die wedstryde egter in Oman aangebied. [85] [86] Hongkong het sy wedstryde teen Bermuda , Jersey en Kenia gewen, terwyl die wedstryd teen Italie weens reen afgelas is en hulle teen Uganda verloor het. [87] In die eerste wedstryd teen Bermuda het Kinchit Shah met onoorwonne 116 lopies sy eerste Lys-A-honderdtal vir Hongkong aangeteken. [88] Tydens die Uganda Uitdagingliga B 2022 het Hongkong Italie, Uganda, Bermuda en Kenia verslaan, maar hulle het teen Jersey verloor. [89] Tydens die Jersey Uitdagingliga B 2022 het Hongkong teen Kenia en Bermuda gewen, maar hulle is deur Jersey, Italie en Uganda verslaan. [90] Met ’n algehele derde plek in die Uitdagingliga B het Hongkong die Krieketwereldbekerkwalifisering 2023 misgeloop en daarmee ook die Krieketwereldbeker 2023. [91]

Tydens die T20I-wereldbekerkwalifisering se groep B 2022 is Hongkong met sy derde plek in die groep weer in die eerste rondte uitgeskakel, waarmee hulle die T20I-wereldbeker 2022 misgeloop het. [92] Tydens die AKR Oostelike T20I-streek in Thailand , wat deel was van die Asiatiese Bekerkwalifisering 2022, het hulle Nepal, die gasheer en Maleisie verslaan, terwyl hulle teen Singapoer verloor het. [93] In die wedstryd teen Nepal het Haroon Arshad die eerste Hongkongse bouler geword om vyf paaltjies te neem. [94] Daarmee het hulle die volgende rondte gehaal, waar hulle al hul drie wedstryde teen Singapoer, Koeweit en die Verenigde Arabiese Emirate gewen en sodoende vir die Asiatiese Beker 2022 gekwalifiseer het. [95] In die toernooi se eerste rondtewedstryd is hulle deur Indie met 40 lopies verslaan. [96] In die wedstryd teen Pakistan is Hongkong op net 38 lopies uitgeboul, die nasionale span se laagste T20I-telling tot dusver; Pakistan het met 155 lopies sy hoogste oorwinning in die formaat aangeteken, nadat hulle vir Hongkong ’n teiken van 193 lopies opgestel het. [97] Tydens die Asiatiese T20I-wereldbekerkwalifisering 2023 is Hongkong in groepfase uitgeskakel en het sodoende die T20I-wereldbeker 2024 misgeloop. [98]

Algemene situasie [ wysig | wysig bron ]

Hoewel Han-Chinese 94% van die Hongkongse bevolking uitmaak, bestaan die nasionale span steeds oorwegend uit spelers met ’n Afghaanse, Indiese of Pakistanse herkoms. Aangesien hulle op Hongkongse skole en universiteite krieket speel, kan hulle vir die nasionale span gekeur word. Chinese speel tradisioneel ander sportsoorte, daarom is hulle minder teenwoordig in die nasionale span. Hierdie situasie kontrasteer met die van die nasionale vrouespan, wat sowat 70% Chinees is. Nog ’n probleem is die gebrek aan gewildheid onder die Chinese weens die kompleksiteit van die sport, maar ook weens die hoe boudigtheid is daar ’n gebrek aan die nodige infrastruktuur om internasionale spele aan te bied en om krieket verder te kan ontwikkel. [99] Die beheerliggaam streef egter daarna, om ook die Chinese bevolkingsgroep te betrek. Daar is drie Chinese krieketklubs ? Craigengower Cricket Club Hung See, CHK Pioneers Cricket Club en Cricket Hong Kong Dragons ? wat aan die Hongkongse liga deelneem. [100]

Kleure en kenteken [ wysig | wysig bron ]

In T20I-krieket dra Hongkong rooi truie met swart kleuraksente, rooi moue, ’n swart V-halslyn en swart broeke. Veldwerkers dra ’n rooi bofbalpet of ’n rooi sonhoed. Die kolwers se helms is op ’n soortgelyke manier geverf. Gedurende IKR-toernooie verskyn die borg se embleem op die regtermou en die belettering HONGKONG in die middel van die trui.

Krieket Hongkong se kenteken toon ’n gestileerde vyfblaarblom van die hongkongboomorgidee (Bauhinia × blakeana) in rooi met die belettering Cricket Hong Kong in Engels en 香港板球 in Chinees. Die kenteken is aan die vlag van Hongkong ontleen.

Tuisstadion [ wysig | wysig bron ]

Ligging van Hongkongse krieketstadions

Hongkong se enigste internasionale stadion is Mission Road Ground wat deur die nasionale span vir al hul tuiswedstryde gebruik word. Die stadion is in 1976 ingewy en het ’n kapasiteit van 3 500. [101]

No. Stadion Plek Eerste wedstryd
1 Mission Road , Kowloon Hongkong 26 Januarie 2016

Spelers [ wysig | wysig bron ]

Spelerstatistieke [ wysig | wysig bron ]

Altesaam het vir Hongkong 41 spelers EDI- en 47 spelers T20I-krieket gespeel. Vervolgens die spelers wat vir die Hongkongse span die meeste lopies aangeteken en die meeste paaltjies geneem het.

Lopies [ wysig | wysig bron ]

EDI T20I
Speler Tydperk EDIs Lopies Speler Tydperk T20Is Lopies
Anshuman Rath 2014?2018 18 828 Nizakat Khan 2014?hede 71 1 269
Babar Hayat 2014?2018 22 784 Babar Hayat 2014?hede 52 1 259
Nizakat Khan 2014?2018 20 675 Kinchit Shah 2014?hede 49 0 706
Tanwir Afzal 2014?2018 20 292 Aizaz Khan 2014?hede 60 0 663
Aizaz Khan 2014?2018 19 260 Anshuman Rath 2015?hede 30 0 651
Korrek teen: 6 November 2023 [102] Korrek teen: 6 November 2023 [103]

Paaltjies [ wysig | wysig bron ]

EDI T20I
Speler Tydperk EDIs Paaltjies Speler Tydperk T20Is Paaltjies
Nadeem Ahmed 2004?2018 25 38 Aizaz Khan 2014?hede 60 72
Ehsan Khan 2016?2018 15 29 Ehsan Khan 2016?hede 51 68
Tanwir Afzal 2014?2018 20 19 Nasrulla Rana 2019?hede 24 29
Ehsan Nawaz 2014?2018 12 16 Mohammad Ghazanfar 2019?hede 28 29
Aizaz Khan 2014?2018 19 16 Nadeem Ahmed 2014?2017 24 25
Korrek teen: 6 November 2023 [104] Korrek teen: 6 November 2023 [105]

Spankapteins [ wysig | wysig bron ]

Tot op hede was ses spelers reeds die kaptein vir Hongkong tydens ’n EDI-wedstryd en ses tydens ’n T20I. [106]

EDI [107] T20I [108]
No. Naam Tydperk Naam Tydperk
1 Rahul Sharma 2004 Jamie Atkinson 2014
2 Tabarak Dar 2008 Tanwir Afzal 2015?2016
3 Jamie Atkinson 2014 Babar Hayat 2016?2017
4 Tanwir Afzal 2015?2016 Kinchit Shah 2019
5 Babar Hayat 2016?2018 Aizaz Khan 2019?2020
6 Anshuman Rath 2018 Nizakat Khan 2022?hede

Rekords [ wysig | wysig bron ]

EDI-rekord teen ander lande [ wysig | wysig bron ]

Teenstander Wedstryde Gewen Verloor Gelykop Onbeslis % Gewen Eerste oorwinning
t. Toetsnasies
Vlag van Afghanistan Afghanistan 2 1 1 0 0 50,00 8 Maart 2018
Vlag van Bangladesj Bangladesj 1 0 1 0 0 0,00 ?
Vlag van Indië Indie 2 0 2 0 0 0,00 ?
Vlag van Pakistan Pakistan 3 0 3 0 0 0,00 ?
Vlag van Zimbabwe Zimbabwe 1 0 1 0 0 0,00 ?
t. Assosiaatlede
Vlag van Papoea-Nieu-Guinee Papoea-Nieu-Guinee 8 4 4 0 0 50,00 4 November 2016
Vlag van Skotland Skotland 5 2 2 0 1 100,00 26 Januarie 2016
Vlag van Verenigde Arabiese Emirate Verenigde Arabiese Emirate 4 2 2 0 0 50,00 16 November 2015
Algeheel 26 9 16 0 1 34,61 16 November 2015
Rekords volledig tot en met EDI #4695 op 6 November 2023. Laaste keer hersien op 2 Mei 2023. Wenpersentasies sluit geen uitslae uit en tel gelykop as ’n halwe oorwinning. [109]

Krieketwereldbekerrekord [ wysig | wysig bron ]

Jaar Uitslag
1975 Nie gekwalifiseer nie
1979 Nie gekwalifiseer nie
1983 Nie gekwalifiseer nie
1987 Nie gekwalifiseer nie
1992 Nie gekwalifiseer nie
1996 Nie gekwalifiseer nie
1999 Nie gekwalifiseer nie
2003 Nie gekwalifiseer nie
2007 Nie gekwalifiseer nie
2011 Nie gekwalifiseer nie
2015 Nie gekwalifiseer nie
2019 Nie gekwalifiseer nie
2023 Nie gekwalifiseer nie
2027 N.v.t.
2031 N.v.t.

Kampioenetrofeerekord [ wysig | wysig bron ]

Jaar Uitslag
1998 Nie gekwalifiseer nie
2000 Nie gekwalifiseer nie
2002 Nie gekwalifiseer nie
2004 Nie gekwalifiseer nie
2006 Nie gekwalifiseer nie
2009 Nie gekwalifiseer nie
2013 Nie gekwalifiseer nie
2017 Nie gekwalifiseer nie
2025 Nie gekwalifiseer nie
2029 N.v.t.

T20I-rekord teen ander lande [ wysig | wysig bron ]

Teenstander Wedstryde Gewen Verloor Gelykop Onbeslis % Gewen Eerste T20I-oorwinning
t. Toetsnasies
Vlag van Afghanistan Afghanistan 5 2 3 0 0 40,00 21 Julie 2015
Vlag van Bangladesj Bangladesj 1 1 0 0 0 100,00 20 Maart 2014
Vlag van Ierland Ierland 4 2 2 0 0 50,00 17 Julie 2015
Vlag van Indië Indie 1 0 1 0 0 0,00 ?
Vlag van Pakistan Pakistan 2 0 2 0 0 0,00 ?
Vlag van Zimbabwe Zimbabwe 1 0 1 0 0 0,00 ?
t. Assosiaatlede
Vlag van Bahrein  Bahrein 2 1 1 0 0 500,00 8 Maart 2023
Vlag van Japan  Japan 1 1 0 0 0 100,00 1 Oktober 2023
Vlag van Jersey  Jersey 1 1 0 0 0 100,00 23 Oktober 2019
Vlag van Kanada Kanada 1 1 0 0 0 100,00 24 Oktober 2019
Vlag van Kambodja  Kambodja 1 1 0 0 0 100,00 28 September 2023
Vlag van Koeweit  Koeweit 3 3 0 0 0 100,00 23 Augustus 2022
Vlag van Maleisië  Maleisie 10 3 7 0 0 30,00 6 Maart 2020
Vlag van Nederland Nederland 3 1 2 0 0 33,33 18 Januarie 2017
Vlag van Nepal Nepal 7 3 4 0 0 42,85 24 November 2014
Vlag van Nigerië  Nigerie 1 1 0 0 0 100,00 27 Oktober 2019
Vlag van Oman Oman 8 1 7 0 0 12,50 26 November 2015
Vlag van Papoea-Nieu-Guinee Papoea-Nieu-Guinee 3 1 2 0 0 33,33 14 Julie 2022
Vlag van Singapoer  Singapoer 3 2 1 0 0 66,67 15 Julie 2022
Vlag van Skotland Skotland 5 1 4 0 0 20,00 30 Januarie 2016
Vlag van Thailand  Thailand 1 1 0 0 0 100,00 3 Maart 2020
Vlag van Uganda  Uganda 2 0 2 0 0 50,00 ?
Vlag van Verenigde Arabiese Emirate Verenigde Arabiese Emirate 6 2 4 0 0 33,33 24 Augustus 2022
Algeheel 72 29 43 0 0 40,27 20 Maart 2014
Rekords volledig tot en met T20I #2348 op 5 November 2023. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit geen uitslae uit en gelykop as ’n halwe oorwinning (ongeag die valbyl). [110]

T20I-wereldbekerrekord [ wysig | wysig bron ]

Jaar Uitslag
2007 Nie gekwalifiseer nie
2009 Nie gekwalifiseer nie
2010 Nie gekwalifiseer nie
2012 Nie gekwalifiseer nie
2014 Groepfase
2016 Groepfase
2021 Nie gekwalifiseer nie
2022 Nie gekwalifiseer nie
2024 Nie gekwalifiseer nie
2026 N.v.t.
2028 N.v.t.
2030 N.v.t.

Asiatiese Beker [ wysig | wysig bron ]

Jaar Uitslag
1984 Nie gekwalifiseer nie
1986 Nie gekwalifiseer nie
1988 Nie gekwalifiseer nie
1990 Nie gekwalifiseer nie
1993 Toernooi afgelas
1995 Nie gekwalifiseer nie
1997 Nie gekwalifiseer nie
2000 Nie gekwalifiseer nie
2004 Eerste rondte
2008 Eerste rondte
2010 Nie gekwalifiseer nie
2012 Nie gekwalifiseer nie
2014 Nie gekwalifiseer nie
2016 Nie gekwalifiseer nie
2018 Eerste rondte
2022 Eerste rondte
2023 Nie gekwalifiseer nie

Sien ook [ wysig | wysig bron ]

Krieketportaal

Verwysings [ wysig | wysig bron ]

  1. ↑ ( en ) "Staff & Coaches, Men's Squad" . Krieket Hongkong . Besoek op 15 Februarie 2024 .
  2. ↑ ( en ) Josh Ball (23 Oktober 2022). "Hong Kong cricket coach Trent Johnston resigns, hails 'best three years of my coaching career' " . South China Morning Post . Besoek op 15 Februarie 2024 .
  3. ↑ ( en ) "New Head Coach to lead a refreshed Hong Kong team ahead of an exciting new season!" . Krieket Hongkong . Besoek op 15 Februarie 2024 .
  4. ↑ ( en ) "ICC Rankings" . Internasionale Krieketraad .
  5. ↑ ( en ) "ODI matches ? Team records" . ESPNcricinfo.
  6. ↑ ( en ) "ODI matches ? 2024 Team records" . ESPNcricinfo.
  7. ↑ ( en ) "T20I matches ? Team records" . ESPNcricinfo.
  8. ↑ ( en ) "T20I matches ? 2024 Team records" . ESPNcricinfo.
  9. ↑ 9,0 9,1 ( en ) "Hong Kong" . Cricket Archive. Geargiveer vanaf die oorspronklike op 3 Februarie 2020 . Besoek op 3 Februarie 2020 .
  10. ↑ 10,00 10,01 10,02 10,03 10,04 10,05 10,06 10,07 10,08 10,09 ( en ) "Chronology of Hong Kong cricket" . ESPNcricinfo . Besoek op 15 Februarie 2024 .
  11. ↑ ( en ) "List of Hong Kong ODIs" . Cricket Archive. Geargiveer vanaf die oorspronklike op 12 Oktober 2008 . Besoek op 12 Oktober 2008 .
  12. ↑ ( en ) "Scotland and UAE battle lock horns in final of ICC CWCQ 2014" . Internasionale Krieketraad . 31 Januarie 2014. Geargiveer vanaf die oorspronklike op 31 Januarie 2014 . Besoek op 31 Januarie 2014 .
  13. ↑ ( en ) "Hong Kong, Netherlands through to World T20" . ESPNcricinfo. 28 November 2013 . Besoek op 15 Februarie 2024 .
  14. ↑ 14,0 14,1 ( en ) "CWCQ 2018 Report Card: Hong Kong" . Internasionale Krieketraad . Geargiveer vanaf die oorspronklike op 3 Februarie 2020 . Besoek op 26 Februarie 2020 .
  15. ↑ 15,0 15,1 ( en ) "ICC awards Asia Cup ODI status" . Internasionale Krieketraad . 9 September 2018 . Besoek op 15 Februarie 2024 .
  16. ↑ ( en ) "ICC Trophy matches played by Hong Kong" . Cricket Archive. Geargiveer vanaf die oorspronklike op 19 Oktober 2012.
  17. ↑ 17,0 17,1 ( en ) "2005 ICC Intercontinental Cup" . Europese Krieketraad . Geargiveer vanaf die oorspronklike op 2 Februarie 2014.
  18. ↑ ( en ) "All T20 matches between ICC members to get international status" . Internasionale Krieketraad . 26 April 2018 . Besoek op 15 Februarie 2024 .
  19. ↑ ( en ) "Men's T20I Team Rankings" . Internasionale Krieketraad . 3 November 2023 . Besoek op 15 Februarie 2024 .
  20. ↑ ( en ) "Cricket Hong Kong" . Internasionale Krieketraad . Besoek op 15 Februarie 2024 .
  21. ↑ ( en ) "Inaugural Meeting of The Asian Cricket Conference on 19th and 20th September 1983, New Delhi, India" . Asiatiese Krieketraad . Besoek op 15 Februarie 2024 .
  22. ↑ ( en ) Martin Williamson (11 Januarie 2006). "The Under-19 World Cup" . ESPNcricinfo . Besoek op 15 Februarie 2024 .
  23. ↑ 23,00 23,01 23,02 23,03 23,04 23,05 23,06 23,07 23,08 23,09 23,10 23,11 23,12 23,13 23,14 23,15 23,16 23,17 23,18 23,19 23,20 23,21 ( en ) "A Timeline of Hong Kong Cricket" . Europese Krieketraad . Geargiveer vanaf die oorspronklike op 17 Februarie 2011 . Besoek op 17 Februarie 2011 .
  24. ↑ ( en ) "Sinking of the SS Bokhara" . ESPNcricinfo . Besoek op 15 Februarie 2024 .
  25. ↑ ( en ) "Scorecard of Hong Kong v MCC" . Cricket Archive. Geargiveer vanaf die oorspronklike op 19 Februarie 2020 . Besoek op 19 Februarie 2020 .
  26. ↑ ( en ) "History of Cricket Hong Kong" . Krieket Hongkong . Besoek op 15 Februarie 2024 .
  27. ↑ ( en ) "Scorecard of Hong Kong v MCC" . Cricket Archive. Geargiveer vanaf die oorspronklike op 19 Februarie 2020 . Besoek op 19 Februarie 2020 .
  28. ↑ ( en ) "Hong Kong v Israel: ICC Trophy 1982 (Group A)" . Cricket Archive. Geargiveer vanaf die oorspronklike op 30 Oktober 2020 . Besoek op 30 Oktober 2020 .
  29. ↑ ( en ) "Gibraltar v Hong Kong: ICC Trophy 1982 (Group A)" . Cricket Archive. Geargiveer vanaf die oorspronklike op 25 Oktober 2021 . Besoek op 25 Oktober 2021 .
  30. ↑ ( en ) "ICC Trophy, 1982: England" . ESPNcricinfo . Besoek op 15 Februarie 2024 .
  31. ↑ ( en ) "The ACC Member Contacts" . Asiatiese Krieketraad . Besoek op 15 Februarie 2024 .
  32. ↑ ( en ) "1986 ICC Trophy in England" . ESPNcricinfo . Besoek op 15 Februarie 2024 .
  33. ↑ ( en ) "ICC Trophy 1990: Netherlands" . ESPNcricinfo . Besoek op 15 Februarie 2024 .
  34. ↑ ( en ) "Kenya: ICC Trophy" . ESPNcricinfo . Besoek op 15 Februarie 2024 .
  35. ↑ ( en ) Roy Morgan (2007). Encyclopedia of World Cricket . Sportsbooks Publishing. ISBN   978-1-899807-51-2 .
  36. ↑ ( en ) Nazvi Careem (14 September 2017). "Hong Kong Sixes organisers want to replicate Rugby Sevens success ? but they need a bigger venue" . South China Morning Post . Besoek op 15 Februarie 2024 .
  37. ↑ ( en ) "1996 ACC Trophy" . Europese Krieketraad . Geargiveer vanaf die oorspronklike op 13 Januarie 2010 . Besoek op 13 Januarie 2010 .
  38. ↑ ( en ) "Carlsberg ICC Trophy, Mar?April 1997" . ESPNcricinfo . Besoek op 15 Februarie 2024 .
  39. ↑ ( en ) "1998 ACC Trophy" . Europese Krieketraad . Geargiveer vanaf die oorspronklike op 11 Januarie 2010 . Besoek op 11 Januarie 2010 .
  40. ↑ ( en ) "2000 ACC Trophy" . Europese Krieketraad . Geargiveer vanaf die oorspronklike op 22 Augustus 2010 . Besoek op 22 Augustus 2010 .
  41. ↑ ( en ) "2001 ICC Trophy" . ESPNcricinfo . Besoek op 15 Februarie 2024 .
  42. ↑ ( en ) "2002 ACC Trophy" . Europese Krieketraad . Geargiveer vanaf die oorspronklike op 22 Augustus 2010 . Besoek op 22 Augustus 2010 .
  43. ↑ ( en ) Rahul Bhatia (16 Julie 2014). "Bangladesh outclass Hong Kong" . ESPNcricinfo . Besoek op 15 Februarie 2024 .
  44. ↑ ( en ) "2004 Asia Cup points table" . Cricket Archive. Geargiveer vanaf die oorspronklike op 19 Februarie 2020 . Besoek op 19 Februarie 2020 .
  45. ↑ ( en ) Siddhartha Vaidyanathan (18 Julie 2004). "Malik and Younis blow away Hong Kong" . ESPNcricinfo . Besoek op 15 Februarie 2024 .
  46. ↑ ( en ) "2005 ICC Trophy official website ? Asian qualifying" . Europese Krieketraad . Geargiveer vanaf die oorspronklike op 6 Februarie 2012 . Besoek op 6 Februarie 2012 .
  47. ↑ ( en ) "2005/06 Fast-track nations tournament" . Asiatiese Krieketraad . Geargiveer vanaf die oorspronklike op 25 Maart 2008 . Besoek op 25 Maart 2008 .
  48. ↑ ( en ) "2006 ACC Trophy" . Europese Krieketraad . Geargiveer vanaf die oorspronklike op 11 Mei 2008 . Besoek op 11 Mei 2008 .
  49. ↑ ( en ) "2006/07 ACC Premier League" . Europese Krieketraad . Geargiveer vanaf die oorspronklike op 3 Julie 2007 . Besoek op 3 Julie 2007 .
  50. ↑ ( en ) "2007 ICC World Cricket League Division Three" . Europese Krieketraad . Geargiveer vanaf die oorspronklike op 24 Oktober 2007 . Besoek op 24 Oktober 2007 .
  51. ↑ ( en ) Andrew Nixon (2 Junie 2007). "Uganda lift Division Three title" . Europese Krieketraad . Geargiveer vanaf die oorspronklike op 24 Mei 2011 . Besoek op 24 Mei 2011 .
  52. ↑ ( en ) Andrew Nixon (23 Junie 2008). "Asia Cup preview" . Europese Krieketraad . Geargiveer vanaf die oorspronklike op 7 Desember 2022 . Besoek op 7 Desember 2022 .
  53. ↑ ( en ) Siddarth Ravindran (24 Junie 2008). "All-round Tanvir shines in 155-run win" . ESPNcricinfo . Besoek op 15 Februarie 2024 .
  54. ↑ ( en ) Mathew Varghese (25 Junie 2008). "India thrash sorry Hong Kong" . ESPNcricinfo . Besoek op 15 Februarie 2024 .
  55. ↑ ( en ) "Hong Kong claim ACC title" . ESPNcricinfo. 3 Augustus 2008 . Besoek op 15 Februarie 2024 .
  56. ↑ ( en ) "Afghanistan claim another title" . ESPNcricinfo. 11 Oktober 2008 . Besoek op 15 Februarie 2024 .
  57. ↑ ( en ) Sahil Dutta (25 Februarie 2013). "Afghanistan crowned ACC champions" . ESPNcricinfo . Besoek op 15 Februarie 2024 .
  58. ↑ ( en ) "Hong Kong defeat Papua New Guinea to ensure promotion to WCL Division 2" . Europese Krieketraad . 28 Januarie 2011. Geargiveer vanaf die oorspronklike op 2 Februarie 2014 . Besoek op 2 Februarie 2014 .
  59. ↑ ( en ) "Scotland claim fifth in dramatic finish" . ESPNcricinfo. 23 Maart 2012 . Besoek op 15 Februarie 2024 .
  60. ↑ ( en ) "UAE and Namibia contest final" . Europese Krieketraad . 15 April 2011. Geargiveer vanaf die oorspronklike op 1 Februarie 2014 . Besoek op 1 Februarie 2014 .
  61. ↑ ( en ) "Netherlands, Kenya and Canada lose ODI status" . ESPNcricinfo. 1 Februarie 2014 . Besoek op 15 Februarie 2024 .
  62. ↑ ( en ) Alan Gardner (16 Maart 2014). "Nepal lay their marker with 80-run win" . ESPNcricinfo . Besoek op 15 Februarie 2024 .
  63. ↑ ( en ) Mohammad Isam (18 Maart 2014). "Shahzad, Shafiqullah power Afghanistan to seven-wicket win" . ESPNcricinfo . Besoek op 15 Februarie 2024 .
  64. ↑ ( en ) Mohammad Isam (20 Maart 2014). "Dar guides HK to historic win; Bangladesh through" . ESPNcricinfo . Besoek op 15 Februarie 2024 .
  65. ↑ ( en ) "All-round Afghanistan cruise to title win" . ESPNcricinfo. 7 Mei 2014 . Besoek op 15 Februarie 2024 .
  66. ↑ ( en ) Abhishek Mukherjee (13 November 2014). "Papua New Guinea create history to become first team to win first two ODIs" . Cricket Country . Besoek op 15 Februarie 2024 .
  67. ↑ ( en ) "Murtagh's four-for gives Ireland top spot" . ESPNcricinfo. 2 September 2016 . Besoek op 15 Februarie 2024 .
  68. ↑ ( en ) Nazvi Careem (1 Desember 2017). "Babar Hayat hits Hong Kong's first double century in first-class cricket" . South China Morning Post . Besoek op 15 Februarie 2024 .
  69. ↑ ( en ) "Hong Kong, China and Nepal Tour Sri Lanka" . Asiatiese Krieketraad . 8 Oktober 2014. Geargiveer vanaf die oorspronklike op 15 April 2022 . Besoek op 15 April 2022 .
  70. ↑ ( en ) Peter Della Penna (26 Julie 2015). "Scotland, Netherlands share title after washout" . ESPNcricinfo . Besoek op 15 Februarie 2024 .
  71. ↑ ( en ) "UAE storm to main draw with convincing win" . ESPNcricinfo. 22 Februarie 2016 . Besoek op 15 Februarie 2024 .
  72. ↑ ( en ) "Hong Kong / Records / Twenty20 Internationals / High Scores" . ESPNcricinfo . Besoek op 15 Februarie 2024 .
  73. ↑ ( en ) Firdose Moonda (8 Maart 2016). "Sibanda's fifty takes Zimbabwe closer to main draw" . ESPNcricinfo . Besoek op 15 Februarie 2024 .
  74. ↑ ( en ) Shashank Kishore (10 Maart 2016). "Nabi, Shahzad to the fore in easy Afghanistan win" . ESPNcricinfo . Besoek op 15 Februarie 2024 .
  75. ↑ ( en ) Deivarayan Muthu (12 Maart 2016). "Scotland end win drought at ICC global events" . ESPNcricinfo . Besoek op 15 Februarie 2024 .
  76. ↑ ( en ) "Ryan Campbell" . ESPNcricinfo . Besoek op 15 Februarie 2024 .
  77. ↑ ( en ) Liam Brickhill (8 Maart 2018). "Afghanistan suffer massive dent to World Cup hopes" . ESPNcricinfo . Besoek op 15 Februarie 2024 .
  78. ↑ ( en ) "Aizaz Khan's five-for helps Hong Kong seal Asia Cup qualification" . ESPNcricinfo. 6 September 2018 . Besoek op 15 Februarie 2024 .
  79. ↑ ( en ) Danyal Rasool (16 September 2018). "Pakistan overpower Hong Kong to open Asia Cup campaign" . ESPNcricinfo . Besoek op 15 Februarie 2024 .
  80. ↑ ( en ) Saurabh Somani (18 September 2018). "Khaleel helps India overcome big Hong Kong scare" . ESPNcricinfo . Besoek op 15 Februarie 2024 .
  81. ↑ ( en ) "Asia Cup 2018: Unimpressive India beat spirited Hong Kong by 26 runs" . Hindustan Times. 19 September 2019 . Besoek op 15 Februarie 2024 .
  82. ↑ ( en ) "Asia Cup 2018: Team India's Heart-Warming Gesture For Valiant Hong Kong" . New Delhi Television. 19 September 2019 . Besoek op 15 Februarie 2024 .
  83. ↑ ( en ) Peter Della Penna (30 Oktober 2019). "Jatinder Singh and Bilal Khan seal Oman's return to T20 World Cup" . ESPNcricinfo . Besoek op 15 Februarie 2024 .
  84. ↑ ( en ) "ICC launches the road to India 2023" . Internasionale Krieketraad . 12 Augustus 2019 . Besoek op 15 Februarie 2024 .
  85. ↑ ( en ) "Politically unstable Hong Kong loses men's CWC Challenge League B hosting rights" . ESPNcricinfo. 24 Oktober 2019 . Besoek op 15 Februarie 2024 .
  86. ↑ ( en ) "Oman to replace Hong Kong as hosts of Men's CWC Challenge League B" . Internasionale Krieketraad . 24 Oktober 2019 . Besoek op 15 Februarie 2024 .
  87. ↑ ( en ) Simone Gambino (11 Desember 2019). "Uganda completes the slam as Jersey down Bermuda" . Europese Krieketraad . Geargiveer vanaf die oorspronklike op 11 Desember 2019 . Besoek op 11 Desember 2019 .
  88. ↑ ( en ) "Bermuda reeled in by Hong Kong century-maker" . The Royal Gazette. Geargiveer vanaf die oorspronklike op 3 Desember 2019 . Besoek op 3 Desember 2019 .
  89. ↑ ( en ) Tom Grunshaw (28 Junie 2022). "Challenge League B ? Jersey clean sweep sets up thrilling finale" . Emerging Cricket . Besoek op 15 Februarie 2024 .
  90. ↑ ( en ) "ICC Challenge League B: Jersey win title despite Kenya defeat" . BBC . 14 Augustus 2022 . Besoek op 15 Februarie 2024 .
  91. ↑ ( en ) Andrew Nixon (14 Augustus 2022). "Jersey lose, but claim Challenge League B crown" . Europese Krieketraad . Geargiveer vanaf die oorspronklike op 2 Oktober 2022 . Besoek op 2 Oktober 2022 .
  92. ↑ ( en ) Peter Della Penna (24 Februarie 2022). "Muhammad Waseem powers UAE to glory in qualifier final against Ireland" . ESPNcricinfo . Besoek op 15 Februarie 2024 .
  93. ↑ ( en ) Richard Lockwood. "Day 5: Singapore confirmed as champions and Hong Kong beat Malaysia to finish second" . Asiatiese Krieketraad . Geargiveer vanaf die oorspronklike op 10 Junie 2022 . Besoek op 10 Junie 2022 .
  94. ↑ ( en ) "EC weekly roundup: Thailand women headline a feast of Asian cricket" . Emerging Cricket. 1 Maart 2020 . Besoek op 15 Februarie 2024 .
  95. ↑ ( en ) "Hong Kong qualify for Asia Cup 2022; to meet India, Pakistan in Group A" . Hindustan Times. 25 Augustus 2022 . Besoek op 15 Februarie 2024 .
  96. ↑ ( en ) Hemant Brar (31 Augustus 2022). "Suryakumar blitz lifts India to top of Group A" . ESPNcricinfo . Besoek op 15 Februarie 2024 .
  97. ↑ ( en ) Sidharth Monga (2 September 2022). "Shadab Khan and Mohammad Nawaz send Hong Kong hurtling to new T20I low" . ESPNcricinfo . Besoek op 15 Februarie 2024 .
  98. ↑ ( en ) "Nepal and Oman qualify for 2024 men's T20 World Cup" . ESPNcricinfo. 3 November 2023 . Besoek op 15 Februarie 2024 .
  99. ↑ ( en ) Rishi Iyengar (8 Maart 2016). "Inside Hong Kong's Push to Become Cricket's Next Big Thing" . Time . Besoek op 15 Februarie 2024 .
  100. ↑ ( en ) Jason Lui. "A window into the local Chinese cricket scene" . Cricket Hongkong . Besoek op 15 Februarie 2024 .
  101. ↑ ( en ) "Mission Road Ground, Mong Kok" . Cricbuzz . Besoek op 15 Februarie 2024 .
  102. ↑ ( en ) "Records / Hong Kong / One-Day Internationals / Most Runs" . ESPNcricinfo . Besoek op 15 Februarie 2024 .
  103. ↑ ( en ) "Records / Hong Kong / Twenty20 Internationals / Most Runs" . ESPNcricinfo . Besoek op 15 Februarie 2024 .
  104. ↑ ( en ) "Records / Hong Kong / One-Day Internationals / Most Wickets" . ESPNcricinfo . Besoek op 15 Februarie 2024 .
  105. ↑ ( en ) "Records / Hong Kong / Twenty20 Internationals / Most Wickets" . ESPNcricinfo . Besoek op 15 Februarie 2024 .
  106. ↑ Die tydperk verwys na die ooreenstemmende krieketseisoen waarin die eerste of laaste wedstryd van die tyd as kaptein gespeel is.
  107. ↑ ( en ) "Records / Hong Kong / One-Day Internationals / List of Captains" . ESPNcricinfo . Besoek op 15 Februarie 2024 .
  108. ↑ ( en ) "Records / Hong Kong / Twenty20 Internationals / List of Captains" . ESPNcricinfo . Besoek op 15 Februarie 2024 .
  109. ↑ ( en ) "Records / Hong Kong / ODI matches / Result summary" . ESPNcricinfo. 6 November 2023 . Besoek op 15 Februarie 2024 .
  110. ↑ ( en ) "Records / Hong Kong / Twenty20 Internationals / Result summary" . ESPNcricinfo. 5 November 2023 . Besoek op 15 Februarie 2024 .

Verdere leesstof [ wysig | wysig bron ]

  • ( en ) Peter Hall (1999). 150 Years of Cricket in Hong Kong . Lewes, East Sussex: Book Guild Ltd. ISBN   978-1-85776-313-3 .

Eksterne skakels [ wysig | wysig bron ]

Ontsluit van " https://af.wikipedia.org/w/index.php?title=Hongkongse_nasionale_krieketspan&oldid=2652952 "