in Wikipedia, die vrye ensiklopedie
In
sterrekunde
is
deklinasie
(simbool
δ
) een van die twee rigtingkoordinate van 'n punt aan die
hemelbol
volgens die stelsel waarmee hemelliggame se posisie bepaal word. Die ander koordinaat is
regte klimming
.
Deklinasie in sterrekunde kan vergelyk word met
breedtegrade
in
geografie
soos geprojekteer op die hemelbol.
[1]
Punte
noord
van die
hemelewenaar
het 'n positiewe deklinasie, terwyl die
suid
van die hemelewenaar 'n negatiewe deklinasie het. Die eenhede wat gebruik word om dit aan te dui, is meestal
grade
(°), minute of
boogminute
(') en sekondes of
boogsekondes
("), met 90° gelyk aan 'n kwartsirkel. Deklinasies van hoer as 90° word nie aangetref nie, omdat die
hemelpole
die mees noordelike en suidelike punte op die hemelbol is.
'n Voorwerp by die
- hemelewenaar het 'n deklinasie van 0°
- noordelike hemelpool het 'n deklinasie van +90°
- suidelike hemelpool het 'n deklinasie van -90°
Die tekens + of ? dui gewoonlik aan of die waarde positief of negatief is.
Die
Aarde
se as draai stadig weswaarts om die pole van die
sonnebaan
en voltooi een kringloop in sowat 26 000 jaar. Hierdie effek, bekend as
presessie
, veroorsaak dat die koordinate van stilstaande hemelliggame voortdurend verander, al is dit baie stadig. Daarom hou lugkoordinate (insluitende deklinasie) verband met die jaar van waarneming. Sterrekundiges dui die koordinate aan met verwysing na 'n spesifieke jaar, bekend as 'n epog. Koordinate van verskillende epogs moet wiskundig aangepas word met betrekking tot mekaar, of om ooreen te stem met 'n standaard-epog.
[2]
Die huidige standaard-epog is
J2000
, wat staan vir 1 Januarie 2000 om 12:00
Aardtyd
, 'n sterrekundige standaardtyd wat deur die
IAU
vasgestel is. Die "J" dui aan dat dit 'n Juliaanse epog is. Voorheen is die opeenvolgende Besseliaanse epogs B1875.0, B1900.0 en B1950.0 gebruik.
[3]
- ↑
Moulton, Forest Ray (1918).
An Introduction to Astronomy
. Macmillan Co., New York. p. 125.
- ↑
Moulton (1918), ble. 92-95.
- ↑
U.S. Naval Observatory Nautical Almanac Office; U.K. Hydrographic Office, H.M. Nautical Almanac Office, Nautical Almanac Office (2008). "Time Scales and Coordinate Systems, 2010".
The Astronomical Almanac for the Year 2010
. U.S. Govt. Printing Office. p. B2,.
ISBN
9780160829727
.
{{
cite book
}}
: AS1-onderhoud: ekstra leestekens (
link
)