Dante Alighieri

Wysig skakels
in Wikipedia, die vrye ensiklopedie
Dante Alighieri
Dante deur Sandro Botticelli , 1495.
Gebore
Durante di Alighiero degli Alighieri

Middel Mei tot middel Junie ca. 1265
Florence , Italie
Sterf 9 September 1321
Ravenna , Italie
Nasionaliteit Italiaans
Beroep Staatsman, digter, taalteoretikus

Durante di Alighiero degli Alighieri , beter bekend as Dante Alighieri of slegs Dante (14 Mei/13 Junie 1265 ? 13/14 September 1321 ), was 'n Italiaanse digter van Florence . Sy meesterstuk, die Goddelike Komedie (aanvanklik Comedia ), word die beste letterkundige werk in Italiaans [1] [2] en een van die beste klassieke werke ter wereld genoem. Dit bestaan uit drie dele: Inferno , Purgatorio en Paradiso .

Dante is bekend daarvoor dat hy die gebruik van die omgangstaal in letterkunde gevestig het in 'n tyd toe gedigte meestal in Latyn geskryf is en net toeganklik vir opgevoede lesers was. Sy gebruik van die dialek van Florence vir werke soos La Vita Nuova (1295) en Comedia het gehelp om die moderne gestandaardiseerde Italiaans te vestig. Deur sy gedigte in die Italiaanse omgangstaal te skryf, eerder as in Latyn, het Dante letterkundige ontwikkeling beinvloed en Italiaans vir verskeie eeue die letterkundige taal van Wes-Europa gemaak. [3] Sy werk het 'n presedent geskep vir belangrike latere Italiaanse skrywers soos Francesco Petrarca en Giovanni Boccaccio .

Dante was instrumenteel in die vestiging van letterkunde in Italie en word beskou as een van die land se nasionale digters en die Weste se letterkundige ikone. [4] Sy beskrywings in Inferno , Purgatorio en Paradiso was die inspirasie vir 'n groot deel van die Westerse kuns en letterkunde. [5] [6]

Dante deur Andrea del Castagno, ca. 1450 ( Uffizi-galery ).

Lewe [ wysig | wysig bron ]

Dante is tussen 14 Mei en 13 Junie 1265 gebore. Sy doopnaam was vermoedelik Durante. Hy is gebore in die prominente en invloedryke Alighieri-familie van Florence, wat die pouslike regte gesteun het. Om deel te neem aan die openbare lewe moes 'n burger van Florence een van die kunste bemeester ? sodoende het Dante 'n dokter geword. In die volgende paar jaar het Dante se naam gereeld na vore gekom waar hy die publiek toegespreek het of in die republiek gestem het.

Opvoeding [ wysig | wysig bron ]

Daar is nie veel bekend oor Dante se opvoeding en onderrig nie. Hy het vermoedelik tuisonderig ontvang. Wat wel bekend is, is dat Dante Toskaanse gedigte bestudeer het.

Op agtienjarige ouderdom ontmoet Dante vir Guido Cavalcanti , Lapo Gianni , Cino da Pistoia en Brunetto Latini en saam het hulle die leiers van 'n nuwe styl in die digkuns geword genaamd Dolce Stil Novo (Die soet nuwe styl). Brunetto is later in Dante se Komedie genoem (Inferno XV, 82). In later jare het Dante filosofie en teologie bestudeer.

Verwysings [ wysig | wysig bron ]

  1. ↑ Bloom, Harold (1994). The Western Canon . Riverhead Books. ISBN   9781573225144 .
  2. ↑ Shaw, Prue (2014). Reading Dante: From Here to Eternity . New York: Liveright Publishing Corporation. pp. Introduction. ISBN   978-0-87140-742-9 .
  3. ↑ Quinones, Ricardo J. (9 Mei 2023). "Dante Alighieri ? Biography, Poems, & Facts" . Britannica .
  4. ↑ Matheson, Lister M. (2012). Icons of the Middle Ages: Rulers, Writers, Rebels, and Saints . Greenwood Pub Group. p. 244.
  5. ↑ Haller, Elizabeth K. (2012). "Dante Alighieri" . In Matheson, Lister M. (red.). Icons of the Middle Ages: Rulers, Writers, Rebels, and Saints . Vol. 1. Santa Barbara, CA: Greenwood. p. 244. ISBN   978-0-313-34080-2 .
  6. ↑ Murray, Charles A. (2003). Human accomplishment: the pursuit of excellence in the arts and sciences, 800 B.C. to 1950 (1st uitg.). New York: HarperCollins. ISBN   978-0-06-019247-1 . OCLC   52047270 .

Eksterne skakels [ wysig | wysig bron ]

Ontsluit van " https://af.wikipedia.org/w/index.php?title=Dante_Alighieri&oldid=2648740 "