Die Hausa ( Hausa : Hausawa , letterlik: "Hausa-volk") is 'n etniese groep inheems aan Noord-Nigerie en Suid-Niger wat noord van beide die Niger - en Benueriviere leef. Die etniese groep omvat sowat 40 miljoen mense en hulle praat Hausa as moedertaal en Arabies , Engels , Frans of Fula as tweede taal. Dit is saam met die Igbo en die Joroeba een van die grootste etniese groepe in beide Nigerie en Wes-Afrika . ^[2]

Hausa
'n Hausa speel op 'n xalan, 'n fluitagtige instrument met twee snare.
Totale bevolking:	ca. 40 miljoen [1]
Belangrike bevolkings ?in:	Nigerie 28,5 miljoen [1]  Niger 8,9 miljoen [1]  Benin 1,1 miljoen [1]  Kameroen 353?000 [1]  Tsjad 262?000 [1]  Ghana 255?000 [1]  Ivoorkus 124?000 [1]  Soedan 109?000 [1]  Sentraal-Afrikaanse Republiek 34?000 [1]  Togo 19?000 [1]  Ekwatoriaal-Guinee 16?000 [1]  Gaboen 12?000 [1]  Algerie 11?000 [1]  Gambie 9?400 [1] DR Kongo 9?300 [1]  Algerie 11?000 [1]  Burkina Faso 2?700 [1]
Taal:	Hausa (moedertaal) ? Engels (gepraat deur Hausa in Ghana en Nigerie ) ? Frans (gepraat deur Hausa in Kameroen , Tsjad , Benin , Togo , Gaboen , Niger , Mali en Ivoorkus ) ? Arabies (gebruik as liturgiese taal en gepraat deur Hausa in Soedan en Tsjad) ? Fula (tweede taal)
Geloofsoortuiging:	Islam
Verwante etniese groepe:	Maguzawa, Azna, Mawri, Gwandara, Ngezzim, Bole, Fula

Die Hausa vorm 'n diverse, maar kultureel homogene etniese groep wat hoofsaaklik in die streke van die Sahel en die Soedan voorkom. Behalwe Niger en Nigerie leef Hausa ook in lande soos Benin , Ghana , Ivoorkus , Kameroen , Soedan , Tsjad en Togo . Groot stede met 'n belangrike Hausa-bevolking sluit in Lagos , Port Harcourt , Accra , Abidjan , Banjul en Cotonou .

Die Hausa is 'n hoofsaaklik Islamitiese volk en beoefen tradisioneel handel en die makmaak van beeste . Hulle het oor eeue heen 'n belangrike rol in die Trans-Sahara-handel gespeel en langs tradisionele handelsroete gevestig. Tans speel die Hausa 'n belangrike rol in die politiek en kultuur van beide Niger en Nigerie. Veral in Niger is sommige presidente en premiers van Hausa-afkoms, waar hulle ook omtrent die helfde van die land se bevolking vorm.