Sukee Bonan
atawa
Bao’an
(保安族; pinyin: b?o?n zu) nakeuh saboh sukee nyang tinggai bak
propinsi Gansu
ngon
Qinghai
siblah barat baroh
China
. Bileueng sukee nyoe kureueng leubeh 17.000 droe sagai (bileueng thon 2000 nakeuh 16.505 droe), nyang nakeuh sukee deungon bileueng paleng niet keu tujoh di
56 boh sukee nyang geupeusah le kuwasa Republik Rakyat China
.
Sukee Bonan geumarit ngon bahsa Bonan nyang geutamong
ai bahsa Mongol
. Sukee nyoe leupah le nyang meu'ugama
Islam
. Sukee Bonan nyang tinggai di Qinghai meula’en bacut bahsa jih deungon nyang tinggai di Gansu. Bahsa Bonan
Qinghai
na meucawoe peungaroh
bahsa Tibet
, meula’en deungon bak
Gansu
nyang meucawoe peungaroh
bahsa China
.
endatu sukee nyoe lam haba nyang ka yem nakeuh teuntra Muslem
Mongol
nyang geuyue jaga bak
Qinghai
watee
masa Yuan
atawa
Ming
deungon nyang dudoe geupinah u
Gansu
bak masa
Manchu
(
Qing
) watee Raja Tongzhi geumat kuwasa (1862-1874). Sukee nyoe meuhubong paleng thoe deungon
sukee Mongol
ngon
Dongxiang
.
Adat reusam sukee Bonan na teuba reusam
sukee Dongxiang
deungon
sukee Hui
. Hai nyoe jeut ta nging nibak bajee sukee nyoe nyang na deuh peungaroh
sukee Tibet
, Hui, ngon Dongxiang nyang meucawoe. Inong sukee Bonan nyang ka meukawen geungui ija itam keu geutop ulee, nyang goh meukawen geungui ija ijo bak ulee. Awak agam Bonan geungui kupiah itam atawa puteh, leuhnyan geungui cit bajee jaket puteh.
Sikin nyang geupeuget le sukee Bonan hayeu sabab sikin jih kreuh ngon rupajih lagak. Sukee nyoe meuhareukat deungon geupeuget ngon geumeukat sikin nyoe, sira geupeulara meunatang ngon geumeulampoh atawa blang.
Saboh kawom ubeut sukee Bonan nyang tinggai bak
propinsi Qinghai
leubeh le nyang meu'agama
Budha
, la’en nibak keulompok nyan mandum meuagama
Islam
. Nibak mandum bileueng sukee nyan nyang meu'agama Islam bileueng jih ji’oh leubeh jai nibak nyang Budha.