Udeueng nakeuh saboh jeuneh meunatang nyang udep lam ie, kusuihjih lam krueng , la'ot atawa tasek . Udeueng jeuet tateumee bak mandum teumpat meudong ie nyang raya, peue nyan ie tabeue ngon ie masen. Udeueng udep bak lhok ie meumacam-macam, na nyang udep lam ie deue na nyang udep lam ie lhok sampoe meuribee mete di meuyub muka ie.

Istilah udeueng geungui keu peuleumah padum-padum boh krustasea meugaki siploh, bak rupa meunatang nyan na meumacam-macam cit rupajih. Geungui nan udeueng nyan bak bahsa nyang leubeh luwah, jitamong keunan kawan meunatang nyang tubohjih panyang ngon cara meugrak jimeulangue. Utama that nan meunatang nyan bak bahsa ilmiah geungui Caridea ngon Dendrobranchiata ^[1] .

Meunatang nyan that peunteng lam rante peunajoh, ngon jeuet keu peunajoh utama macam-macam eungkot sampoe eungkot nyang paleng raya lagee eungkot pawoh . Udeueng jeuet keu peunajoh nyang that meukeunong bak manusia, industri peunajoh meubahan udeueng na meuyum 50 ribee Dolar Amirika lam sithon, ngon hase nibak udeueng nyang geupeulhara atawa geucok di alam bibeueh na leubeh 7 juta ton bak thon 2010 ^[2] .

Ceunatat [ peusaneut | peusaneut asai ]

1. ^ Shrimp Encyclopædia Britannica . Geucok bak 20 uroe Buleuen Lapan 2012.
2. ^ "A bouillabaisse of fascinating facts about fish" . NOAA : National Marine Fisheries Service . Diakses tanggal October 22, 2009 .  

Wikimedia Commons na media nyang mupawot ngon: Shrimp