Surat Al-Isra′ ( bahsa Arab : ??????? ‎, Al-Isr? , "Jak jeu'oh bak watee malam" ) nakeuh surat nyang keu-17 lam Al-Qur'an . Surat nyang jeumeulah ayatjih 111 boh ayat nyoe nakeuh surat Makkiyah . Neuboh nan Al-Isra′ saweub lam surat nyoe na neuriwayat bhah Isra' Mi'raj nyang neupubuet le Nabi Muhammad ? nyang neupeuphon nibak Masjidil Haram di Meukah u Masjidil Aqsha di Baitul Maqdis. Ban dum bhah nyan na neuseubot lam ayat nyang keuphon lam surat Al-Isra'. Surat nyoe neupeunan cit ngon Surat Bani Israil saweub lam ayat 2 'oh ayat 8 ngon ayat 101 'oh ayat 104, Allah na neuseubot Bani Israil nyang nakeuh saboh bansa nyang neupeuhina le Allah saweub hana seumateh keu Allah . Riwayat nyan jeut cit keu saboh haba peuingat keu ureueng Islam mangat bek peuji'oh nibak pue-pue nyang neuyue le Allah .

Asoe surat [ peusaneut | peusaneut asai ]

• Meuiman: Allah hana aneuk; Allah sabe-sabe neubri raseuki keu ban ban dum peuneujeutgeuh; bak Allah na nan-nan nyang got; Al-Qur'an nakeuh peutunyok nibak Allah; tapateh bahwa padang Mahsyar ngon uroe akhe geuneuk trok.
• Hukom: peuneugah nibak Allah bhah peugadoh nyawong sidroe-droe ureueng; pubuet zina; ngui hareuta aneuk yatim; adab ngon ayah ngon poma; neusuroh le Allah lam peupah ceng lam meukat, peudong seumayang lam watee.
• Riwayat: Isra' Mi'raj Nabi Muhammad ? ; Bani Israil.
• Nyang la'en: ban dum ureueng geukeumeung peutanggong ateuh ban dum buet nyang geupubuet lam donya; sabab neupeuanco saboh kawom le Allah ; peutunyok bhah meugot-got ngon ureueng syik ngon ureueng bineh rumoh; manusia nakeuh peuneujeut Allah nyang that jroh; bhah roh.

Peunawot luwa [ peusaneut | peusaneut asai ]

Wikisource na naseukah nyang meuhubong ngon teunuleh nyoe: Surat Al-Isra'

• Surat Al-Isra nibak BullGallery.com .