Teunuleh ngon meuandam lon bak Wikipedia

Wikipedia bahsa Aceh nyoe phon that lon baca bak thon 2010. Teuseureh hate keu lon peugot teunuleh ka nibak phon lon simak, na padum-padum on na lon andam ngon hana nan teudapeuta sampoe 'an thon 2011. Nyang keubit lon puphon meudapeuta jeuet keu kontributor wiki Aceh bak uroe buleuen 16 Buleuen Tujoh 2012 . Nibak wiki nyoe lon hana meuceh-meuceh that mumat saboh-saboh bideueng keu teunuleh. Peue mantong nyang heut laju lon tuleh. Meuhat nyang hana lon galak nakeuh teunuleh nyang paneuk-paneuk that on jih, meunyoe na lon teumee teunuleh nyang lagee nyan teutap lon oseuha bah jeuet lon andam beu leubeh panyang lom. Lon hana galak cit teunuleh nyang hana meu-ne, teunuleh nyang hana meupat punca nyan lon oseuha cit beuna ne nyang jeuet keu ho jiikot haba nyang teungoh geupeugah nyan. Lon meuhajat keuneuk peugot saboh project teumuleh lam Wikipedia bahsa Aceh bah na 1.000.000 boh teunuleh nyang panyang-panyang disinoe bak Wikipedia bahsa Aceh nyoe.