Balkan
nakeuh nan historis ngon geografis nyang geunguy keu
Ierupa
blah rot teunggara. Luwah da'irah nyoe nakeuh 550.000 km² ngon ureueng neuduek disinan na lam keunira 53 juta droe.
Da'irah nyoe geupeunan dari narit
Gunong-gunong Balkan
nyang meulingkeue balh rot teungoh wilayah
Bulgaria
u
Serbia
blah rot timu.
Meujan watee Balkan geupeuwoe kheun keu semenanjung Balkan wilayah nyang meulingka ngon
La'ot Adriatik
,
Ionia
,
Aegea
,
Marmara
dan
La'ot Hitam
dari barat daya, tunong ngon teunggara.
Nibak teumpat nyang hana meucurak
semenanjung
, bak neuduek nyang kon
tanoh geunteng
nyang geuhubong u tanoh darat utama banuwa Ierupa, definisi nyoe kayem geunguy keu peununyok da'irah nyang leubeh luwah lom.
Nyang that geuturi nibak tareh umum Balkan nakeuh saboh da'irah nyang that gasa nibak tabi'at manosia, meusaban ngon bumoe da'irah nyan nyang meugunong-gunong. Da'irah nyoe lam tareh donya na bak bineh keurajeuen-keurajeuen rayeuek, tareh manosia lam riwayat nanggroe-nanggroe balkan rab sabe lam geunabuek prang, haro-hara, sengketa ngon agresi antara keurajeuen-keurajeuen, phon bak masa
Keurajeuen Romawi
sampoe
Prang Yugoslavia
nyang keuneulheueh ban-ban nyoe.
Punca utama gabuek ngon karu nanggroe da'irah nyan nakeuh bak peukara peupisah droe, na cit gabuek nyang teuka nibak peukara nyang meubida-bida antara meumacam-macam ideologi siyasat nyang jeuet keu punca karu. Istilah
Balkanisasi
(atawa geupeubalkan) bak istilah umum kayem meuma'na nyang meuhubong ngon tabi'at gasa, meu seuliseh agama, bansa
etnis
. Ngon Balkan nyan nyang meujan cit meuma'na da'irah klek-klok.
Da'irah Eropa
Bagoe ngon curak lam narit konotasi istilah "Balkan" nyan keuh, le ureueng leubeh meurasa neukheun wilayah semenanjung Balkan ngon istilah Ierupa Teunggara. Bacut-bacut isyilah nyan meukeumang jeuet keu inisiatif baro.
UE
bak thon 1999 geukheun wilayah nyan ngon
Pakta Stabilitas keu Ieropa Teunggara
, sampoe saboh koran online
Balkan Times
geupeuturi droe ngon nan
Southeast European Times
bak thon 2003.
Neunguy istilah nyoe meuma'na Semenanjung Balkan bah that nibak peukara teknis ka lagee hana geupakoee wilayah bumoe neugara
Rumania
ngon
Ukraina
blah rot barat nyang jitamong cit lam beunagi wilayah banuwa Ierupa blah teunggara.
Ceue baroh semenanjung Balkan bak adat umum geumeukeusud jeuet keu saboh gareh nyang jeuet nibak krueng
Donau
,
Sava
ngon
Kupa
ngon na jeumba la'en nyang meuhubong Kupa ngon
Lhok Kvarner
.
Semenanjung Balkan (meunurot definisi gareh Danube-Sava-Kupa)
Na cit definisi la'en lam bhaih ceue baroh Balkan:
Nyang leubeh that umum lom definisi Balkan geunguy lawet nyoe nakeuh wilayah nyang na bak ceue rot baroh Danube-Sava-Kupa geunantoe neunguy nibak tabi'at fisiografik, sampoe jeuet mangat bak geu ako lam peuta. Bak adat riwayat historis bhaih nyan jeuet keu beutoi cit, sawueb da'irah (saban ngon Rumania ngon geupeugadoh
Montenegro
, Dalmatia, ngon
Pulo-pulo Ionia
) nakeuh nyang leubeh luwah lom wilayah nyan jitamong lam teritorial Ierupa dari phon masa Khilafah Turki Utsmani akhe abad keu-15 - abad keu-19. Kupa jeuet keu ceue bumoe antara Slovenia ngon Kroasia blah rot teunggara, Sava geuplah 2 Kroasia ngon Serbia le Donau, nyang nakeuh krueng keu 2 rayeuk di Ierupa (lheueh
Krueng Volga
), jeuet keu ceue bumoe antara Bulgaria, Serbia ngon Rumania. Di baroh ra'ueh nyan meubeunteueng bak
tanoh data Pannonia
ngon Rumania
Gunong-gunong Karpathia
.
Bah that Rumania (la'en nibak
Dobrudja
) nakeuh kon beunagi bumoe Balkan, nibak adat konvensional jitamong keunan neugara geunantoe Khilafah Turki Utsmani jameun. Lam reusam Rumania na le jitamong keunan sifeuet reusam adat Balkan ngon bahsa Rumania jitamong lam saboh ka'idah bahsa-bahsa Balkan.
La'en lom ngon Slovenia nyang meubeunteueng u baroh Balkan ngon kayem geukheun beunagi wilayah
Ierupa Teungoh
. Meunan cit riwayat tareh ngon reusam, nyang kayem geukheun ngon Ierupa Teungoh.