Bakkub Wikipedia mooy
Jimbulang
bu Ubbeeku bi
. Tekkeem yenn saa si man naa wuute.
- "Ubbeeku" ndaxte embitam da fa ubbeeku ngir nepp. Su nu toppee ay atteem.
- "Ubbeeku" ndaxte amulum pay.
- "Ubbeeku" ci su nu xoolee ci maanduteem. Fexe ba benn jengte du am ci biiram, ci wallu gis-gis yi.
- "Ubbeeku" ndax atte yiy teral doxalinam amul kenn ku leen di tek, du ku ci "kaw" walla ci "biti". Lu weesu yenn tomb yi dul den, di yi ko teye (
juroomi ponk yi
),
Askanu
jefandikukat yi nooy yor maggam.
- "Ubbeeku" ndax bind ab jukki taxul nga moom ko, li ngay bind moomoo ko. Kon ku nekk am na san-sanu soppi leen, loolu attey Wikipedia noo ko teral.
- "Ubbeeku" tekkiwul ne lu la neex duggal ci. Dan fee nekk ngir defar ab
jimbulang
bu baax te sell. Du ab yeenekaay, du it ab yeglekaay...
- "Ubbeeku" tekkiwul ne man nga fee taf ay mbind walla ay nataal yoo jele ci beneen dal walla ab kaggu(bibliotheque). Loolu jalgati aqi ki-sos (droit d'auteur) la, te yoon nanguwu ko.
- "Ubbeeku" tekkiwul ne amul kenn kuy saytu embitam. Askan wi day seet aka xent jukki yi, lu weesu seenug dugg, su jaree far nu far leen.
- "Ubbeeku" tekkiwul ne man ngaa def lu la neex ci xet yi. Dal bii ab Mbootaay buy "def ngir yalla" moo ko sos ngir lenn rekk, muy sos ab jimbulang.
- "Ubbeeku" tekkiwul ne man ngaa taf ay jukkeem ci sa dal, walla jel embitam bind ci ab jukki ngir sa yeenekaay, te tuddoo ci Wikipedia, ni fa nga ko jele.